Aug 08, 2024 08:30 pm
views : 461
Location : Domestic Place
Islamabad- Government decides to terminate agreements with IPPs made in 1990s
حکومت کا 90ء کی دہائی
میں آئی پی پیز کے ساتھ کیے گئے معاہدوں کو ختم کرنے کا فیصلہ ، وفاقی
حکومت نے مہنگی بجلی کے ستائے عوام کے لیے بڑا ریلیف تیار کرلیا ، وزیر
توانائی کا کہنا تھا کہ توانائی کے شعبے میں اصلاحات لا رہے ہیں، جس پر عمل
یقینی بنایا جائے گا
حکومت نے 90ء کی دہائی میں آئی پی پیز کے ساتھ کیے گئے معاہدوں کو ختم کرنے کا فیصلہ کرلیا۔
وفاقی
وزیر اویس لغاری نے کہا ہے کہ شعبہ توانائی معیشت کےلیے اہم ہے، اس میں
اصلاحات کررہے ہیں اور ان اصلاحات پر عمل بھی یقینی بنائیں گے۔ انہوں نے
کہا کہ اصلاحات پرعمل درآمد کےلیے کوآرڈی نیشن ضروری ہے۔ قومی ٹاسک فورس
شعبہ توانائی میں اصلاحات پر کام کرے گی۔ 20نکاتی اصلاحات کاآغاز ہوچکاہے۔
جتنا جلد معاملات کو ٹھیک کریں گے اتنی ہی جلد معیشت پٹڑی پرچڑھے گی۔
201سے
اوپر یونٹ کے صارفین کے لیے خصوصی سلیب رکھے جائیں گے۔ 201سے زیادہ یونٹ
والے بجلی صارفین کے لیے 26روپے فی یونٹ سلیب مقرر کرنے پرغور کیا جا رہا
ہے۔
میڈیا رپورٹ کے مطابق وفاقی حکومت نے مہنگی بجلی کے ستائے عوام کے
لیے بڑا ریلیف تیار کرلیا۔ وزیرتوانائی اویس لغاری کی سربراہی میں قائم
ٹاسک فورس نے فریم ورک مکمل کرلیا، جس کے مطابق 90ء کی دہائی میں آئی پی
پیز کے ساتھ کیے گئے معاہدوں کو ختم کرنے کافیصلہ کرلیا گیا ہے، جس کا
اعلان جلد متوقع ہے۔
پیش رفت کے مطابق دیگر آئی پی پیزکمپنیوں کے
معاہدوں پر بھی نظر ثانی پر غور کیا جا رہا ہے۔ اس سلسلے میں 201سے زائد
یونٹ کے صارفین کے لیے بھی فریم ورک تیار کیا گیا ہے، جس کے مطابق 201سے
زائد یونٹ صارفین کو 6 ماہ تک اسی سلیب میں رکھنے کی پالیسی میں تبدیلی
کافیصلہ کیا گیا ہے۔