Aug 15, 2024 08:00 pm
views : 507
Location : Domestic Place
Rawalpindi- COAS hosts Independence Day reception for army veterans
آرمی چیف کی جانب سے
سابق فوجیوں کیلئے تقریب، جعلی خبروں کے خطرے سے آگاہ کیا ، تقریب میں سابق
آرمی چیفس نے بھی شرکت کی ، سابق افسران کا پاکستان آرمی کی قیادت پر
اعتماد اور یقین کا اظہار
یوم آزادی کے موقع پر
چیف آف آرمی اسٹاف جنرل سید عاصم منیر کی جانب سے سابق فوجیوں کے اعزاز میں
تقریب کا انعقاد کیا گیا ، آرمی چیف نے اتحاد اور مشکلات کے سامنے استقامت
کی اہمیت پر زوردیتے ہوئے سابق فوجی افسران سے اپیل کی کہ وہ پاکستان کی
ترقی اور خوشحالی میں اپنا کردار جاری رکھیں۔
آئی ایس پی آر کے مطابق
تقریب میں ریٹائرڈ فوجی افسران اور جوانوں کی بڑی تعداد نے شرکت کی۔ آرمی
چیف نے ریٹائرڈ افسران کی خدمات کو خراج تحسین پیش کیا اور ان کی لگن اور
قوم کی تاریخ بنانے میں کلیدی کردار کو سراہا۔
آرمی چیف نے جعلی خبروں
اور پروپیگنڈے کے خطرے سے بھی آگاہ کیا جو دشمن عناصر کی جانب سے پاکستان
کے عوام اور مسلح افواج کے درمیان تعلق کو کمزور کرنے کے لیے پھیلایا جا
رہا ہے۔ انہوں نے یقین دلایا کہ قوم کی غیر متزلزل حمایت ان تمام کوششوں
کو ناکام بنا دے گی۔
سابق افسران نے پاکستان آرمی کی قیادت پر اعتماد
اور یقین کا اظہار کیا اور اندرونی اور بیرونی سلامتی کے چیلنجز سے نمٹنے
میں اپنے تعاون کی یقین دہانی کرائی۔ تقریب میں سابق ارمی چیف جںرل(ر)
راحیل شریف اور اشفاق پرویز کیا نی بھی شریک ہوئے۔