Mar 13, 2017 07:14 pm
views : 757
Location : CM Secretariat
Karachi- CM Sindh Syed Murad ALi Shah chairs Meeting regarding Green Line Project
کراچی ، وزیراعلیٰ سندھ کی زیرصدارت گرین لائن منصوبے کی پیش رفت پر اجلاس
وزیراعلیٰ سندھ سید مراد علی شاہ کی زیرصدارت نیو سیکریٹریٹ میں گرین لائن
منصوبے پر ہونے والی پیش رفت کے حوالے سے اجلاس منعقد ہوا۔
اجلاس میں صوبائی وزراء ناصر حسین شاہ ،جام خان شورو،چیف سیکریٹری سندھ
رضوان میمن، پرنسپل سیکریٹری نوید کامران بلوچ، پی ڈی گرین لائن منصوبہ
صالح فاروقی سمیت دیگر نے شرکت کی۔
وزیراعلیٰ سندھ سید مراد علی شاہ کو گرین لائن منصوبہ پر صالح فاروقی نے
بریفنگ دیتے ہوئے کہا منصوبے کے تحت ہر بس اسٹاپ کے ساتھ عوامی بیت الخلاء
بنائے جارہے ہیں ، جب کہ گارڈن ویسٹ پر گرین لائن کے لیے کمانڈ اینڈ
کنٹرول سینٹر بھی قائم کیاجارہاہے۔
صالح فاروقی نے اجلاس میں وزیراعلیٰ سندھ سید مراد علی شاہ کوبتایا کہ گرین
لائن منصوبہ 15.254بلین روپے کی لاگت سے 18جون 2016کو شروع ہوا، منصوبے کی
تکمیل کے لیے وفاقی حکومت نے ایک ہزار ملین کی رقم مختص کی جس میں سے
400ملین روپے اب تک جاری کیے گئے ہیں۔ جب کہ سندھ حکومت کی جانب سے 6بلین
روپے مختص رقم میں سے 3بلین روپے جاری کیے گئے ۔جب کہ منصوبے پر 390مختلف
اقسام کی مشینری جن میں 103ڈمپر،18فرنٹ لوڈرکام کررہے ہیں۔
صالح فاروقی نے مزید بتایا کہ منصوبے کی تکمیل کے لیے 7321درخت کاٹ رہے ہیں
جس پر وزیراعلیٰ سندھ سید مراد علی شاہ نے صالح فاروقی کو ہدایت کی کہ اگر
ایک درخت کاٹا جارہاہے تو اس کی جگہ 3درخت بھی لگائیں جائیں۔
صالح فاروقی نے وزیراعلیٰ سندھ کویقین دہانی کراتے ہوئے کہا منصوبے کو
سرسبزاور شاداب بنایاجارہاہے ،اور منصوبے کی تکمیل تک 21ہزار درخت لگائے
جائیں گے۔
وزیراعلیٰ سندھ سید مراد علی شاہ نے افسران کو ہدایت دیتے ہوئے کہا یہ ایک
عوامی منصوبہ ہے اور اسے اپنے مقررہ وقت پر ہی مکمل کیاجائے ،تاکہ عوام کو
جلد از جلد ریلیف فراہم کیاجاسکے۔ منصوبے پر سست روی اور کوئی کوتاہی
برداشت نہیں کی جائے گی ۔