Sep 21, 2017 08:08 pm
views : 831
Location : National Press Club
Islamabad- Mushaal Hussein Mullick Protest
اسلام آباد،عالمی یوم امن کے موقع پر حریت رہنما یاسین ملک کی اہلیہ مشال ملک کابھارت کے خلاف احتجاج
عالمی یوم امن ے موقع پر حریت رہنما یاسین ملک کی اہلیہ مشال ملک کی جانب
سے بھارتی جارحیت کے خلاف نیشنل پریس کلب کے باہر خاموش احتجاج کیا گیا۔
مشال ملک کے ہمراہ سول سوسائٹی ، داکٹرز ، وکلاء اور طلبہ کی ایک بڑی تعداد
اس خاموش احتجاج میں شریک تھی ،مظاہرین نے احتجاج کے موقع پر منہ پر پٹیاں
باندھی ہوئی تھیں اور ہاتھوں میں پلے کارڈز اٹھا رکھے تھے جن پر کشمیرکی
آزادی کے حق میں نعرے درج تھے۔
خاموش احتجاج ریکارڈ کروانے بعدذرائع ابلاغ عامہ کے نمائندوں سے گفتگو کرتے
ہوئے مشال ملک نے کہاکہ ہمیں بتایا جائے کہ آج دنیا بھر میں کس بات پر امن
کا دن منایا جا رہا ہے ، کشمیر کے لوگ اپنے حق خوداردیت سے محروم ہیں ،
بھارتی افواج مقبوضہ کشمیر میں مظالم کے پہاڑ ڈھا رہی ہیں ، آج مقبوضہ
کشمیر میں کشمیری قیادت جیلوں میں بند ہے ، جیلوں میں قید حریت قیادت کو
ٹارچر کیا جا رہا ہے ، یہاں تک کہ کھانے میں زہر تک ملا کر دیا جا رہا ہے ،
برما میں مسلمانوں کو وہاں کی حکومت مظالم کا نشانہ بنا رہی ہے جبکہ
فلسطین کے لوگ کئی دہائیاں گزرنے کے باوجود اپنے حق سے محروم ہیں اور
اسرائیل کے مظالم کا نشانہ بن رہے ہیں اور عالمی قوتیں تماشائی بنی ہوئی
ہیں ۔
یاسین ملک کی اہلیہ نے برما میں ڈھائے جانے والے مظالم پر انتہائی دکھ کا
اظہار کرتے ہوئے کہا کہ کشمیر کی طرح برما کے مسلمان بھی مظالم کا نشانہ بن
رہے ہیں ، برما کی حکومت اور فوج مل کر وہاں کے مسلمانوں کو جس بے دردی سے
تشدد کا نشانہ بنایا جارہا ہے اس کی نظیر نہیں ملتی ، حاملہ خواتین ، بچوں
اور بزرگوں کو بھی برما کی فوج درندگی کا نشانہ بنا رہی ہے،مشال ملک نے
فلسطین کے مسلمانوں پر ڈھائے جانے والے مظالم کا تذکرہ کرتے ہوئے کہا ہے کہ
اسرائیل جدید ہتھیاروں کے ساتھ فلسطینی مسلمانوں کو نشانہ بنا رہا ہے ،
فلسظین میں انسانی حقوق کی خلاف ورزیاں عروج پر ہیں ، عالمی برادری سے بے
خبر ہو کر آج امن کا دن منا رہی ہے۔
مشال ملکنے کہا کہ مسئلہ کشمیر کے باعث نہ صرف اس خطے کو بلکہ عالمی امن کو
بھی شدید خطرہ لاحق ہے لیکن عالمی قوتوں کو اس سے کوئی غرض نہیں ہے ،
کشمیریوں کو جب تک حق خود اردیت نہیں ملتا تب تک تک کوئی امن کی خواہش پایہ
تکمیل تک نہیں پہنچ سکتی.
یاسین ملک کی اہلیہ نے عالمی برادری اور انسانی حقوق کی تمام عالمی تنظیموں
سے مطالبہ کیا ہے کہ مقبوضہ کشمیر ، برما اور فلسطین میں جاری مظالم کا
نوٹس لیں اور عالمی امن کے لئے یہاں کے لوگوں کو ان کو حقوق دیں ، امن کا
خواب صرف ان مسائل کو حل کر کے ہی شرمندہ تعبیر کیا جا سکتا ہے۔
اس موقع پر مشال ملک نے کبوتر آزاد کر کے کشمیریوں کو بھارتی قبضے سے آزادکروانے کا مطالبہ بھی کیا ہے۔