کراچی،وزیر اعلیٰ سندھ سید مراد علی شاہ کی ذرائع ابلاغ عامہ کے نمائندوں سے گفتگو
صوبہ سندھ کے دارالحکومت کراچی میں وزیراعلیٰ سندھ مراد علی شاہ اور گورنر
سندھ محمد زبیر نے بوہرہ برادری کے پیشوا مفضل سیف الدین سے صدر میں قائم
طاہری مسجد میں ملاقات کی۔
اس موقع پر وزیراعلیٰ اور گورنر سندھ نے طاہری مسجد میں مجلس عزا میں بھی شرکت کی۔
ان کے علاوہ سربراہ متحدہ قومی موومنٹ (ایم کیو ایم) فاروق ستار اور کراچی
کے میئر وسیم اختر نے بھی بوہرہ برادری کے پیشوا مفضل سیف الدین سے ملاقات
کی۔
بوہرہ برادری کے پیشوا سے ملاقات کے بعد طاہری مسجد کے باہر میڈیا سے بات
چیت کرتے ہوئے وزیراعلیٰ سندھ سید مراد علی شاہ نے کہا کہ محرم میں امن و
امان کی صورتحال سے مطمئن ہیں جبکہ امن قائم رکھنا ہم سب کی ذمہ داری ہے۔