Oct 10, 2017 08:02 pm
views : 691
Location : Governor House
Karachi- Governor Sindh meets FB Area Trade Association Delegation
کراچی ، معاشی استحکام میں صنعت کاروں اور تاجروں کا کردار کلیدی اہمیت کا حامل ہے، گورنر سندھ
کراچی میں گورنر سندھ محمد زبیر سے فیڈرل بی ایریا ایسوسی ایشن آف ٹریڈ
انڈسٹری کے وفد نے گورنر ہاؤس میں ملاقات کی ۔ وفد کی سربراہی جاوید سلما ن
کررہے تھے۔
ترجمان گورنر ہاؤس کے مطابق گورنر سندھ محمد زبیر نے کہا ہے کہ معاشی
استحکام میں صنعت کاروں اور تاجروں کا کردار کلیدی اہمیت کا حامل ہے،قومی
معیشت میں ریڑھ کی ہڈی کی حیثیت رکھنے والے صنعت کاروں اور تاجروں نے ہر
مشکل مراحل میں حکومت سے بھرپور تعاون کیا، کامیاب معاشی پالیسی اور صنعت
کار وں اور تاجروں کے حکومت سے تعاون سے قومی معیشت مستحکم ہو چکی ہے۔
انہوں نے کہا کہ امن و امان کے قیام کے بعد غیر ملکی سرمایہ کاری میں تسلسل
سے اضافہ اور نجی سیکٹر کے فعال کردار سے غربت اور بے روزگاری کے خاتمہ
میں مدد مل رہی ہے، حکومت صنعتی سرگرمیوں کی مزید فعالیت کے لئے صنعتی
علاقوں میں انفرااسٹرکچر پر خصوصی توجہ دے رہی ہے جبکہ کراچی ترقیاتی پیکج
میں بھی انفرااسٹرکچر کو فوقیت حاصل ہے۔
گورنر سندھ نے کہا کہ صنعت کاروں اور تاجروں کی مشاورت سے حکومت جامع قلیل،
وسط اور طویل مدتی منصوبے تشکیل دے رہی ہے جس سے معاشی سرگرمیوں میں اضافہ
کے ساتھ ساتھ روزگار کے وسیع موقع بھی دستیاب ہو نگے۔
انہوں نے کہا کہ صنعتی علاقوں میں بجلی کی تسلسل سے فراہمی کو بھی یقینی
بنایا جا رہا ہے۔ انہوں نے کہا کہ سی پیک منصوبہ کی تکمیل سے قبل صنعتی اور
بندر گاہوں کے اطراف انفرااسٹرکچر کی بحالی و ترقی پر خصوصی توجہ وقت کی
اہم ترین ضرورت ہے تاکہ منصوبہ کی افادیت سے بھرپور فائدہ حاصل کیا جا سکے
کیونکہ سی پیک منصوبہ سے سب سے زیادہ صوبہ سندھ فائدہ ہوگا۔
انہوں نے کہا کہ حکومت کی کامیاب معاشی پالیسی کے باعث معاشی، تجارتی،
کاروباری،نجی سیکٹر اور دیگر صنعتی سرگرمیوں میں تیزی آرہی ہے،نئی صنعتوں
کے قیام اور غیر ملکی سرمایہ کاری سے خوشحالی کے نئے دور کا آغاز ہو رہا ہے
جو کہ خوش آئند ہے۔
انہوں نے کہا کہ ملکی تاریخ میں جی ڈی پی سب سے زیادہ ہے،آج تمام معاشی
اشاریئے مثبت ہیں جبکہ میکرو انڈیکٹر بھی مثبت میں ہیں، پاکستان اسٹاک ایکس
چینج ایشیا میں زیادہ کاروبارکرنے میں سرفہرست ہے۔
انہوں نے کہا کہ اقتدار سنبھالتے ہی معاشی بحران کا سامنا تھا لیکن حکومت
کی 4 برس کی محنت کے بعد آج صورتحال بہت بہتر ہوچکی ہے، پاکستان کا ایمر
جنگ مارکیٹ میں جانا بہت بڑا اعزاز ہے،2013 ئمیں