Nov 01, 2017 05:35 pm
views : 745
Location : Pakistan Navy Dockyard
Karachi- New Commanders for Coastal Command and Pakistan Navy Fleet Appointed
کراچی ،نو منتخب کمانڈر کوسٹ اور کمانڈر پاکستان نیوی فلیٹ نے اپنی ذمہ داریاں سنبھال لیں
رئیر ایڈمرل معظم الیاس اور رئیر ایڈمرل محمد امجد خان نیازی نے بالترتیب
پاک بحریہ کی کوسٹل اور فلیٹ کمانڈ کے سربراہ کی حیثیت سے اپنی ذمہ داریاں
سنبھال لی ہیں۔ تبدیلیء کمانڈ کی تقاریب آج کراچی میں منعقد ہوئیں۔
نومنتخب کمانڈر کوسٹ رئیر ایڈمرل معظم الیاس نے 1980ء میں پاک بحریہ میں
شمولیت اختیار کی۔ اپنے شاندار کیرئیر کے دوران وہ متعدد کمانڈ اور اسٹاف
عہدوں پر تعینات رہے۔ ان کی کمانڈ اپائنٹمنٹس میں دو تباہ کن جہازوں پی این
ایس بدر اور پی این ایس بابراور تین میزائل بوٹس کی قیادت، ہیڈکوارٹرز
بحرین میں کمبائنڈ ٹاسک فورس 150کی سربراہی اور کمانڈرنارتھ کی ذمہ داریاں
شامل ہیں۔ ان کی نمایاں اسٹاف اپائنٹمنٹس میں اسسٹنٹ چیف آف نیول اسٹاف
(پلانز) ، اسسٹنٹ چیف آف نیول اسٹاف (آپریشنز) ، چیف اسٹاف آفیسر برائے
کمانڈر پاکستان فلیٹ اور نیول ہیڈ کوارٹرز میں ڈپٹی چیف آف نیول اسٹاف
(ٹریننگ اینڈ ایویلیوایشن) کے عہدے شامل ہیں۔ ایران میں نیول اور ائیر
اتاشی کی حیثیت سے بھی تعینات رہے ہیں۔
بحیثیت کمانڈر کوسٹ اپنی ذمہ داریاں سنبھالنے سے قبل لاہور میں کمانڈنٹ پی
این وار کالج اور کمانڈر سینٹرل پنجاب کے فرائض انجام دے رہے تھے۔ وہ
جوائنٹ کمانڈاینڈ اسٹاف کالج شریونہم، برطانیہ کے گریجویٹ ہیں۔ انہوں نے
کنگز کالج لندن سے ڈیفنس اسٹڈیز اور قائد اعظم یونیورسٹی اسلام آباد سے
اسٹریٹیجک اسٹڈیز میں ماسٹرز کیا ہے۔ ان کی اعلیٰ خدمات کے اعتراف میں رئیر
ایڈمرل معظم کو ہلال امتیاز (ملٹری ) سے بھی نوازا جاچکا ہے۔
نو منتخب کمانڈر پاکستان فلیٹ رئیر ایڈمرل محمد امجدخان نیازی نے 1981ء میں
پاک بحریہ میں شمولیت اختیار کی اور پاکستان نیول اکیڈمی میں اپنی ابتدائی
تربیت کی تکمیل پر اعزازی شمشیر حاصل کی ۔ اپنے شاندار کیرئیر کے دوران وہ
متعدد کمانڈ اور اسٹاف عہدوں پر تعینات رہے۔ ان کی کمانڈ اپائنٹمنٹس میں
دو ٹائپ 21تباہ کن جہازوں پی این ایس بدر اور پی این ایس طارق کی سرابراہی،
اٹھارویں تباہ کن اسکواڈرن کی قیادت اور بحیثیت کمانڈنٹ پی این ایس
بہادرخدمات شامل ہیں۔ ان کی اسٹاف اپائنٹمنٹس میں ڈائریکٹر نیول آپریشنز،
ڈپٹی چیف آف نیول اسٹاف (ٹریننگ اینڈ ایویلیوایشن)، کمانڈنٹ پاکستان نیوی
وار کالج/کمانڈر سینٹرل پنجاب لاہور اور ڈائریکٹر جنرل نیول انٹیلیجنس کے
عہدے شامل ہیں۔ وہ شنگھائی میں بحیثیت چیف نیول اوورسیز بھی تعینات رہے ہیں
۔ وہ آرمی کمانڈ اینڈ اسٹاف کالج کوئٹہ اور نیشنل ڈیفنس یونیورسٹی اسلام
آباد کے گریجویٹ ہیں۔
انہوں نے بیجنگ یونیورسٹی آف ایروناٹکس اینڈ ایسٹروناٹکس چائنا سے انڈر
واٹر ایکوسٹکس اور قائد اعظم یونیورسٹی اسلام آباد سے وار اسٹڈیز میں ماسٹر
ز کی ڈگری حاصل کی ہے۔ نو منتخب کمانڈر پاکستان فلیٹ کو ان کی اعلیٰ خدمات
کے اعتراف میں ہلالِ امتیاز (ملٹری) اور ستارۂ بسالت سے سرفراز کیا گیا
ہے۔ انہیں فرانسیسی حکومت کی جانب سے فرنچ میڈل شیویلئر (نائٹ) کے اعزاز سے
بھی نوازا گیا ہے۔ کمانڈر پاکستان فلیٹ کی حیثیت سے رئیر ایڈمر ل محمد
امجد خان نیازی پاکستان نیوی بحری بیڑے کے آپریشنل انچار ج ہوں گے۔
تبدیلیء کمانڈ کی تقاریب میں پاکستان نیوی کے افسران اور سیلرز کی ایک بڑی تعداد نے شرکت کی۔