پشاور،خودکش دھماکے کے نتیجے میں ایڈیشنل آئی جی اور گن مین شہید
پشاور کے علاقے حیات آباد میں پولیس افسر کی گاڑی کے قریب دھماکا ہوا،جس
میں ایڈیشنل آئی جی ہیڈکوارٹر اشرف نوراور گن مین شہیدجبکہ 6افراد زخمی ہو
گئے۔
ایڈیشنل آئی جی اشرف نور گھر سے دفتر جا رہے تھے کہ راستے میں موٹر سائیکل
پر سوار خودکش حملہ آور نے خود کو اڑا لیا ،دھماکے کے بعد فائرنگ کی بھی
آواز سنی گئی،دھماکے کے بعد گاڑی میں آگ بھڑک اٹھی،دھماکے میں اے آئی جی
اشرف نور اور گن مین موقع پر شہید جبکہ 6 افراد زخمی ہو گئے،دھماکے کی
اطلاع ملتے ہی سیکیورٹی فورسز موقع پر پہنچ گئیں اور علاقے کو گھیرے میں لے
کر امدادی کارروائیاں شروع کر دی گئیں ،دھماکا اتنا زور دار تھا کہ قریبی
عمارتوں کے شیشے ٹوٹ گئے۔
سی سی پی او پشاور طاہر خان نے ذرائع ابلاغ عامہ کے نمائندوں سے گفتگو کرتے
ہوئے دھماکہ خودکش حملہ تھاجبکہ خودکش حملہ آور موٹر سائیکل پر سوار تھا،
حیات آباد میں صبح پونے 9 بجے ایڈیشنل آئی جی ہیڈ کوارٹر اشرف نور اپنے گھر
سے دفتر جا رہے تھے کہ راستے میں زرغونی مسجد کے سامنے ان کی گاڑی کو بم
سے اڑا دیا گیا،حملے میں ایڈیشنل آئی جی ہیڈ کوارٹر اشرف نور جاں بحق اور 6
پولیس اہلکار زخمی ہوگئے۔