Dec 05, 2017 02:43 pm
views : 457
Location : Chinese Embassy
Islamabad- CM Punjab Meeting with Chinese Ambassador Mr. Yao Jing
اسلام آباد،وزیر اعلی پنجاب کی اسلام آباد میں چینی سفیریاؤ جنگ سے ملاقات
وزیراعلیٰ شہباز شریف نے اسلام آباد میں چین کے سفیر یاؤ جنگ سے ملاقات کی،
وزیراعلیٰ نے چین کے سفیر کو گلدستہ پیش کیا اور نیک تمناؤں کا اظہار
کیا،ملاقات میں باہمی دلچسپی کے امور، دو طرفہ تعلقات کے فروغ، سی پیک کے
منصوبوں اور مختلف شعبوں میں تعاون بڑھانے پر تبادلہ خیال بھی کیا گیا۔
اس مقع پر وزیر اعلیٰ پنجاب شہباز شریف نے کہا کہ پاک چین دوستی دنیا میں
امن، محبت، تعاون اور والہانہ جذبوں کی روشن مثال ہے، سی پیک کے عظیم
منصوبے نے معاشی و اقتصادی ترقی کی نئی تاریخ رقم کی ہے اورخطے کے دیگر
ممالک بھی سی پیک سے مستفید ہو ں گے،سی پیک سے پاکستان میں ترقی کی نئی
راہیں کھلی ہیں، اکنامک کوریڈورنے دونوں ملکوں کے تعلقات کو نئی بلندیوں تک
پہنچایا ہے، سی پیک ایک عظیم الشان منصوبہ ہے جس کے ثمرات سامنے آنا شروع
ہو چکے ہیں۔
شہباز شریف نے کہا کہ چین کے صدر شی جن پنگ نے بیلٹ اور روڈ کا شاندار ویڑن
دیا ہے،پاکستان اور چین کے مابین برادارنہ دوستی کا سفر چھ دہائیوں پر
مشتمل ہے اور اب دونوں ملکوں کی دوستی کی مثال اپنی مثال آپ ہے،پاکستان اور
چین کی دوستی نئی منزلوں کو چھو رہی ہے، انہوں نے کہا کہ سیاسی اور سفارتی
سطح پر بھی چین پاکستان کیساتھ چٹان کی طرح کھڑا رہاہے،وزیر اعلیٰ نے کہا
کہ مسلم لیگ (ن) کی حکومت کے دور میں پاکستان اور چین کیساتھ تعلقات مزید
وسیع اور مضبوط ہوئے ہیں اور پاکستان اور چین باہمی احترام، محبت اور پیار
لازوال رشتے میں بندھے ہوئے ہیں۔
اس موقع پرچینی سفیر نے کہا کہ پاکستان اور چین کی دوستی اور دو طرفہ معاشی
تعاون ہر گزرتے لمحے فروغ پا رہا ہے اور پاک چین دوستی کو فروغ دینے میں
پنجاب کے وزیر اعلیٰ شہباز شریف کی کاوشیں لائق تحسین ہیں، شہبازشریف
ویڑنری لیڈر ہیں اورپنجاب سپیڈ کا اعزاز شہباز شریف کی انتھک محنت اور غیر
معمولی کارکردگی کا نتیجہ ہے اور پنجاب سپیڈ ایک حقیقت بن چکی
ہے،پنجاب سپیڈ کے ذریعے بجلی کے منصوبوں کو مکمل کرکے توانائی بحران پر
قابو پانے کا کریڈٹ ان کو جاتا ہے، چینی سفیر نے وزیر اعلی پنجاب کے عوامی
خدمت کے جذبے کی تعریف کی اور کہاکہ حکومت جس انداز سے عوامی خدمت اور
معاشی ترقی کے منصوبوں پر عمل پیرا ہے وہ قابل تحسین ہے۔