لاہور، وزیراعلیٰ پنجاب محمد شہباز شریف کی یوم قائداعظم کے حوالے سے تقریب میں شر کت
وزیراعلیٰ پنجاب محمد شہباز شریف نے ایکسپو سنٹرمیں یوم قائداعظم کے حوالے سے 146146قائد کا خواب تعبیر بنا پنجاب145145 کے موضوع پر منعقدہ خصوصی تقریب میں مہمان خصوصی کی حیثیت سے شرکت کی۔بانی پاکستان قائد اعظم محمد علی جناح ؒ کی عظیم خدمات کو زبردست اندا ز میں خراج عقیدت پیش کیا گیا۔
مختلف ممالک کے سفارتکاروں ، صوبائی وزراء ، اراکین اسمبلی ، صنعتکاروں ، تاجروں اور مختلف شعبہ ہائے زندگی سے تعلق رکھنے والے افراد نے بڑی تعداد میں شرکت کی۔
وزیراعلی پنجاب محمد شہبازشریف نے تقریب سے خطاب کرتے ہوئے کہا کہ قائداعظم محمد علی جناح ؒ کی قیادت میں بر صغیر کے مسلمانوں نے عظیم جدوجہد کی، جس کے نتیجے میں ہمیں آزاد خطہ نصیب ہوا اور آج ہم یہاں بانی پاکستان بابائے قوم قائد اعظم محمد علی جناحؒ کو خراج عقیدت پیش کرنے کے لئے اکٹھے ہوئے ہیں۔ہمیں اس بات کا بھی جائزہ لینا ہوگا کہ ہم نے قائدؒ کی فرمودات پر کہاں تک عمل کیا اور قیام پاکستان کے مقاصد کے حصول میں کہاں تک کامیاب ہوئے ہیں؟۔
انہوں نے کہاکہ قائداعظم محمد علی جناح ؒ کی قیادت میں قیام پاکستان کے حصول کے لئے انتھک محنت ، جہدوجہد کی گئی اور لازوال قربانیاں دی گئیں۔ لاکھوں لوگ بھارت سے پاکستان اس لئے ہجرت کر کے آئے کہ وہ آزاد خطے میں عزت وقار کے ساتھ رہیں گے۔جہاں قانون کی حکمرانی ، انصاف کا بول بالا اور میرٹ کی بالا دستی ہوگی اور سب کو آگے بڑھنے کے یکساں مواقع حاصل ہو ں گے۔
انہوں نے کہاکہ 23مارچ 1940کو لاہور میں قیام پاکستان کی تاریخی قرارداد منظور ہوئی او راس موقع پر سندھی ، پٹھان، پنجابی ،بلوچ ، شیعہ ، سنی اور ہر مکتبہ فکر کے ا فراد ایک مقصد کے حصول کے لئے کندھے سے کندھا ملا کر کھڑے ہوئے اور اس اجلاس میں بھارت کے ایسے علاقوں سے بھی لوگ آئے جو پاکستان کا حصہ نہیں بنے،یہ وہ جذبہ تھا جو ہمارے آباؤاجداد نے قیام پاکستان کے وقت دکھایا اور قیام پاکستان کے مقاصد کے حصول کیلئے بھی ہمیں اسی جذبے سے کام کرنا ہو گا۔ ہمارے آباؤ اجداد نے اپنے گھر بار اس لئے چھوڑے تھے اور جانوں کی قربانیاں دیں تھی کہ وہ ایک علیحدہ وطن میں باوقار طریقے سے نئی زندگی کا آغاز کریں گے ۔ہمیں اپنا محاسبہ کرنا ہے کہ گزشتہ 70سالو ں میں ہم نے کہاں تک قیام پاکستان کے مقاصد حاصل کئے ہیں۔
انہوں نے کہاکہ پاکستانی قوم بڑی بہادر ہے اور اس نے چیلنجز اور بحرانوں کا مقابلہ بڑی بہادری سے کیاہے ۔ملک کو بد ترین سیلاب او ر زلزلوں کا سامنا بھی کرنا پڑا ہے او ران قدرتی آفات سے بے پناہ مالی و جانی نقصان اٹھانا پڑا ہے تاہم قوم نے ان بحرانوں کے دوران مثالی اتحاداور یکجہتی کا مظاہرہ کیا اور ملک کو بحرانوں سے نکالا۔
وزیراعلی نے کہا کہ آج کی تقریب قائد اعظم محمد علی جناحؒ کو خراج عقیدت پیش کرنے کے لئے منعقد کی گئی ہے اور میں تقریب میں شرکت کرنے والے مختلف ممالک کے سفیروں، ہا ئی کمشنرز اور تمام شرکاء کا دل کی اتھاہ گہرائیوں سے شکریہ اد ا کرتا ہوں۔اس رنگا رنگ تقریب میں فنکاروں نے ملی نغمے پیش کئے اور ان کی پرفارمنس دیکھ کر بہت خوشی ہوئی ہے ۔تمام فنکاروں نے قا ئداعظم ؒ سے متعلق تاریخی واقعات کو نہایت خوب صورتی سے پیش کیا ہے۔
ڈپٹی چیئرمین پلاننگ کمیشن سرتاج عزیز ، پاکستان میں سعودی عرب کے سفیرنواف بن سعد المالک ، کویت کے سفیر نصیر عبدالرحمن جے ایلموتری،سری لنکا کے ہائی کمشنر میجر جنرل (ر) جیا ناتھ سی پی لوو کیوتا گوڈیج ، آسٹریلین ڈپٹی ہائی کمشنر برک بیٹلے ،بیلارس کے سفیرآئری آرموولوچ ، نائیجریا کے سفیرادیباؤ اے اولنیائی ، سویڈن کے سفیرٹیگڈین ایل حدیثیر ،اسپیکر پنجاب اسمبلی رانا محمد اقبال خان، صوبائی وزراء ، اراکین ا سمبلی،مختلف ممالک کے قونصل جنرلز اور سفارتکاروں کے علاوہ مختلف شعبہ ہا ئے زندگی سے تعلق رکھنے والے افرا دکی بڑی تعدادنے تقریب میں شرکت کی۔