اسلام آباد ، تعلیم کا حصول ملکی ترقی کیلئے انتہائی اہم ہے, وزیر اعظم شاہد خاقان عباسی
وزیر اعظم شاہد خاقان عباسی نے کہا کہ تعلیم کسی بھی ملک کا اہم ترین شعبہ
ہوتا ہے۔ مستقبل کی تعمیر اور نوجوانوں کی قومی دھارے میں شمولیت کے لیے
دنیا بھر میں تعلیمی معیار کو تمام دیگر امور پر ترجیح دی جاتی ہے۔
ترجمان وزیر اعظم ہا ؤس کے مطابق ملک میں تعلیمی شعبے کی ترقی کے لیے وزیر
اعظم شاہد خاقان عباسی ان دنوں مختلف اداروں میں زیر تعلیم طلبا سے
ملاقاتیں کر رہے ہیں ۔ وزیر اعظم نےراشد آباد ایجوکیشن سٹی کے طلبا سے
ملاقات کی۔
شاہد خاقان عباسی نے کہا پاکستان دنیا کے ان چند ممالک میں سے ہے جہاں
آبادی کا ساٹھ فیصد نوجوانوں پر مشتمل ہے، یہ ہماری طاقت ہیں ۔ انسانی وسائل
کی ترقی بھی صرف تعلیم کی ترویج اور نوجوانوں کی تربیت کیساتھ ممکن ہے۔
ترجمان کے مطابق تعلیمی شعبے کی ترقی اور نوجوانوں کو قومی امور میں اہم
مقام دینے کے لیے وزیر اعظم شاہد خاقان عباسی نے طلبا کیساتھ ملاقاتوں کا
سلسلہ شروع کیا ہے جس کا مقصد م نوجوانوں کو اعلیٰ ترین دفاتر کا دورہ
کراکے انھیں حکومتی امور کے حوالے سے آگاہی فراہم کرنا ہے۔
سندھ کے علاقےٹنڈو آلہ یار کے قریب ریٹائرڈ فضائیہ افسران کی جانب سے قائم
کیے گئے ایجوکیشن اینڈ ہیلتھ سٹی کے طلبا کے وفد سے گفتگو کرتے ہوئے شاہد
خاقان عباسی نے کہاکہ تعلیم کا حصول ملکی ترقی کیلئے انتہائی اہم ہے۔ تعلیم حاصل کرنے کے لیے کسی خاص عمر کی ضرورت
نہیں ہوتی بلکہ علم کا حصول عمر کی قید سے بالا تر ہے۔
شاہد خاقان عباسی
کو بتایا گیا کہ راشد آباد میں مختلف فلاحی منصوبوں پر کام کیا جارہا
ہے۔ایجوکیشن سٹی میں خصوصی بچوں کے علاوہ نادارطلبا کو سہولیات فراہم کی
جارہی ہیں جبکہ راشد آباد میں مختلف اسکول،ہسپتال،رہائشی کالونیاں اور تفریحی
سہولیات مہیا کی گئی ہیں۔
ایجوکیشن سٹی کی کاوشوں کو سراہتے ہوئے شاہد خاقان عباسی نے کہاکہ تعلیم کی
فراہمی کے لیے راشد آباد سٹی جیسے منصوبے اپنی مثال آپ ہیں ۔سندھ کے دور
دراز علاقوں سے آئے پاکستان کے ان بچوں سے ملاقات کا مقصد نوجوانوں کو
اعلیٰ ترین دفاتر کا دورہ کراکے انھیں حکومتی امور کے حوالے سے آگاہی
فراہم کرنا ہے۔
وزیر اعظم کو اپنے درمیان دیکھ کر طمانیت کا احساس لیے راشد آباد اسکول کے
بچوں نے وزیراعظم شاہد خاقان عباسی سے مختلف سوالات بھی کیے۔طلبا کے سوالات
کا جواب دیتے ہوئے شاہد خاقان عباسی نے کہاکہ وفاقی حکومت خصوصی بچوں کی
تعلیم کیلئے اقدامات جاری رکھے گی۔
ملاقات میں وزیراعظم کو راشد آباد ایجوکیشن سٹی منصوبے کے حوالے سے بریفنگ بھی دی گئی۔