div align="right"> سابق صدر آصف زرداری اورموجودہ حکمران اتحاد
کی اہم جماعت جمعیت علما اسلام (ف) کے سربراہ مولانا فضل الرحمن کے درمیان
موجودہ سیاسی صورتحال پر اہم ملاقات ہوئی ۔
ترجمان
پاکستان پیپلزپارٹی کے مطابق آصف زرداری اور مولانا فضل الرحمٰن کی بلاول
ہاؤس
لاہور میں ہونے والی ملاقات میں دونوں رہنمائوں نے ملک کو درپیش اندرونی
اور
بیرونی چیلنجز سے مل کر نمٹنے کے عزم کا اظہار کیا ۔ ملکی سیاسی صورتحال
اور خاص طور پر سینیٹ کے آنے والے انتخابات پر تفصیلی گفتگو ہوئی ۔
ذرائع کے مطابق ملاقات میں سینیٹ الیکشن سے قبل خیبرپختونخوا میں تعاون اور
بلوچستان طر ز پر کے پی اسمبلی میں تبدیلی کے نکات پر غور کیا گیا ۔ اس موقع پر دونوں رہنمائوں نے خیبرپختونخوا میں
تبدیلی کے حوالے سے دیگر اپوزیشن جماعتوں سے اشتراک پر بھی اتفاق کیا ۔
ذرائع کے مطابق یہ اشتراک سینیٹ انتخابات سے قبل نظام کو ممکنہ خطرات سے
محفوظ رکھنے کے لیے کیا جا رہا ہےجبکہ خبیر پختونخوا میں بلوچستان طرز کی
تبدیلی کا لائحہ عمل صوبے کی دیگر اپوزیشن جماعتوں سے رابطوں کے بعد طے کیا
جائےگا۔
خیبرپختونخوا میں پیپلز پارٹی، جے یو آئی (ف)، مسلم لیگ ن اور عوامی نیشنل
پارٹی اپوزیشن کاحصہ ہیں، جبکہ حکومتی اتحاد میں تحریک انصاف، جماعت
اسلامی اور قومی وطن پارٹی شامل ہیں۔