Feb 24, 2018 01:51 pm
views : 543
Location : National Press Club
Islamabad- APHC Protest Against India
اسلام آباد،آل پارٹیز حریت کانفرنس کابھارت کے خلاف احتجاج
اسلام آباد میں کشمیریوں پر بھارتی مظالم اورکشمیری خواتین سے جنسی زیادتی
کے خلاف آل پارٹیز حریت کانفرنس کی جانب سے احتجاجی مظاہرہ کیا گیا ،مظاہرے
میں سول سوسائٹی اور اے پی ایچ سی کے اراکین نے شرکت کی، مظاہرین نے
ہاتھوں میں بینر ز پکڑے ہوئے تھے جن پر ہمیں انصاف چاہئے اور بھارت مخالف
نعرے درج تھے۔
مظاہرے کے شرکا کا مطالبہ تھا کہ فروری 1991 میں بھارتی فوج نے 53 کشمیر ی
خواتین کوجنسی تشدد کا نشانہ بنایا ان بھارتی فوجیوں کو آج تک سزا نہیں
ہوئی، اقوام متحدہ اس گھناؤنے عمل میں شریک تمام بھارتی فوجیوں کو انصاف کے
کٹہرے میں لائے ۔
اس موقع پر ایک مظاہرین الطاف حسین وانی نے ذرائع ابلاغ عامہ کے نمائندے سے
گفتگو کر تے ہوئے کہا کہ چاربھارتی راجپوتانہ یونٹ نے دو کشمیری گاؤں سے
مرد اور خواتین کو گرفتار کیا اور ان میں سے خواتین اور مرد کو علیحدہ کر
کے خواتین کو جنسی تشدد کا نشانہ بنایا جن میں کم سن بچیاں اور بزرگ خواتین
بھی شامل تھیں ، بھارتی فوجیوں کا جرم دنیا میں ثابت ہوجانے کے باوجود آج
تک بھارتی حکومت نے ان فوجیوں کو سزا نہیں دی ۔
ایک اور مظاہرین میر طاہر مسرور نے کہا کہ آج کے احتجاج کا مقصد اٹھائیس
سال پہلے 23 فروری کو کشمیر کے گاؤ ں کوش پورہ میں بھارتی فوجیوں نے کشمیری
خواتین کے ساتھ زیادتی کی اور آج تک بھارتی حکومت نے ان فوجیوں کو سزا
نہیں دی ۔
مظاہرین نے کہا کہ ہم دنیا کو باور کرنا چاہتے ہیں کہ بھارت ایسے فعل کو
جنگی ہتھیار کے طور پر استعمال کر رہا ہے جو ایک بہت بڑا گھناؤنا جرم ہے ،
ہم چاہتے ہیں کہ بین الاقوامی برادری اس طرف توجہ دے اور مجروں کو کڑی سے
کڑی سزا دے، اگر عالمی برادری نے ایسا نہ کیا تو یہ جرائم ہوتے رہیں گے ۔