Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Mar 02, 2018 05:14 pm views : 563

Location : Different Places

Islamabad- Petrol Price Hike, Public Views

اسلام آباد ،پیٹر ول کی قیمتوںمیں اضافے کے حوالے سے شہریوں کی رائے

پیٹرولیم مصنوعات کی قیمتوں میں اضافے کے باعث عوام میں شدید تشویش پائی جاتی ہے،شہریوں نے حکومتی اقدام کو عوام دشمنی قرار دے دیا ہے،شہریوں کا کہناہے کہ ملک میں ایسی حکومت آجائے جو عوام کے مفاد میں اقدامات کرے۔ شہری بھی حکومت کے اس اقدام سے نالاں ہیں۔
وفاقی حکومت نے پٹرولیم مصنوعات کی قیمتوں میں ایک بار پھر اضافہ کردیا۔ پیٹرول کی قیمت میں فی لیٹر 3 روپے 56 پیسے اضافہ کیا گیا ہے۔وزارت خزانہ کے مطابق پیٹرول کی قیمت میں فی لیٹر3 روپے 56 پیسے اضافہ کیا گیا ہے جس کے بعد اس کی نئی قیمت 88 روپے7 پیسے فی لیٹر ہوگئی ہے۔
وزارت خزانہ کے مطابق ڈیزل کی قیمت میں 2 روپے62 پیسے فی لیٹراضافہ کیا گیا ہے جس کے بعد ڈیزل کی نئی قیمت 98 روپے45 پیسے فی لیٹر ہوگئی ہے۔مٹی کے تیل کی قیمت میں 6 روپے 28 پیسے فی لیٹر اور لائٹ ڈیزل آئل کی قیمت میں ایک روپیہ فی لیٹراضافہ کیا گیا ہے۔
وزارت خزانہ کے مطابق مٹی کے تیل کی نئی قیمت 76 روپے46 پیسے اور لائٹ ڈیزل آئل کی نئی قیمت 65 روپے 30 پیسے فی لیٹر مقرر کردی گئی ہے۔نئی قیمتوں کا اطلاق رات 12 بجے سے ہوچکا ہے۔
خیال رہے کہ اوگرا نے یکم مارچ سے پٹرولیم مصنوعات کی قیمتوں میں 6 روپے 94 پیسے فی لیٹر تک اضافے کی سفارش کی تھی۔اوگرا کی جانب سے وزارت پٹرولیم کو بھیجی گئی سمری میں یکم مارچ سے پٹرول 3روپے 56پیسے فی لیٹر جبکہ ڈیزل 6روپے 94پیسے فی لیٹر مہنگا کرنے کی سفاری کی گئی تھی۔اس کے علاوہ اوگرا نے مٹی کا تیل بھی 6روپے 28پیسے فی لیٹر مہنگا کرنے کی سفارش کی تھی۔
گزشتہ ماہ بھی وفاقی حکومت کی جانب سے پٹرولیم مصنوعات کی قیمتوں میں اضافہ کیا گیا تھا۔
اس موقع پر ایک شہری تنویرنے ذرائع ابلاغ عامہ کے نمائندے سے گفتگو کرتے ہوئے کہا کہ یہ کوئی مافیا ہے جو ہر ماہ پیٹرول کی قیمت میں اضافہ کر رہا ہے جس کی وجہ سے دوسری اشیاءِ کی قیمتوں میں بھی اضافہ ہورہا ہے ،اور قیمتوں کو کنٹرول کرنے والے افسران مافیا کے ساتھ ملے ہوئے ہیں جو ٹھیک طور پر اپنا کام نہیں کررہے ہیں۔
شہری نے کہا کہ جس طرح پیپلز پارٹی کی حکومت نے پیٹرول کی قیمت 110 روپے لیٹر پر چھوڑی تھی اسی طرح ن لیگ بھی 110 روپے لیٹر کر کے ہی چھوڑے گی جس سے مہنگائی میں مزید اضافہ ہوگا اورغربت میں مزید اضافہ ہوگا۔
شہری نے مزید کہا کہ حکومت کو غریب عوام کی کوئی پرواہ نہیں ہے۔