Mar 03, 2018 03:26 pm
views : 605
Location : Punjab Assembly
Lahore- Senate Election, Polling Underway in Punjab Assembly
لاہور، پنجاب اسمبلی میں سینیٹ انتخابات کے سلسلے میں پولنگ کا عمل جاری
قومی سمیت چاروں صوبائی اسمبلیوں میں سینیٹ انتخابات کے سلسلے میں پولنگ کا
عمل جاری ہے ۔ 52 نشستوں پر 131 امیدوار آمنے سامنے ہیں۔ پولنگ بغیر کسی
وقفے کے شام 4 بجے تک جاری رہے گی۔
سینیٹ الیکشن کے موقع پر آج پارلیمنٹ ہاؤس اور چاروں صوبائی اسمبلیاں
مکمل طور پر پولنگ اسٹیشنز کے روپ دھار ے ہوئے ہیں ، جاری کردہ ضابطہ اخلاق
کے مطابق اراکین اسمبلی کو اسمبلی سیکریٹریٹ کا کارڈ ساتھ لانا ہوگا، جبکہ
موبائل فون پولنگ اسٹیشن لانے پر مکمل پابندی عائد ہے۔مسلم لیگ ن کے نواز
شریف کی بطور پارٹی صدر نااہلی کے بعد پہلی بار ان کے حمایت یافتہ امیدوار
آزاد حیثیت میں انتخاب لڑرہے ہیں۔
الیکشن کمیشن کے مطابق انتخابات میں ضابطہ اخلاق کی پابندی نہ کرنے والوں
کے خلاف کارروائی ہوگی جبکہ بیلٹ پیپر دکھا کر ووٹ کاسٹ کرنے والے رکن کو
سزا ملے گی۔
سینیٹ انتخابات کے سلسلے میں پنجاب کی 12 نشستوں پر 20 امیدواروں میں ،
سندھ کی 12 نشستوں پر33 ، خیبر پختونخوا میں 11 نشستوں پر 26 جبکہ بلوچستان
کی11 نشستوں پر23 امیدواروں کے درمیان مقابلہ ہے، جبکہ فاٹا کی 4 نشستوں
پر 24 اور اسلام آباد کی 2 نشستوں پر 5 امیدوار مد مقابل ہیں۔
انتخابات کے سلسلے میں پنجاب کیلئے 1600 ، سندھ اور اسلام آباد کیلئے 800،
خیبرپختونخوا کیلئے600، بلوچستان کیلئے 300 اور فاٹا کیلئے50 بیلٹ
پیپرچھاپے گئے ۔
پنجاب میں سینٹ کی 12 نشستوں پر 20 امیدوار مد مقابل ہے ،جنرل نشست پر مسلم
لیگ (ن) کے نامزد کردہ امیدوار جنہیں الیکشن کمیشن نے آذاد قرار دیا ہے ان
میں ڈاکٹر آصف کرمانی،رانا مقبول ، رانا محمود الحسن، شاہین خالد بٹ ،زبیر
گل ،ہارون اخترخان ،اور مصدق ملک شامل ہیں جبکہ پیپلز پارٹی کے شہزاد علی
خان پی ٹی آئی کے چوہدری سرور،مسلم لیگ(ق)کے کامل علی آغا کے درمیان مقابلہ
ہو گا۔ٹیکنو کریٹ پر مسلم لیگ( ن) کے اسحاق ڈار، نصیر احمد بھٹہ اور دوسرے
مد مقابل ہوں گے خواتین کی مسلم لیگ(ن) کی نزہت صادق اور سعدیہ عباسی
امیدوار ہیں۔
انتخابات سے قبل ایک ایک نشست کے لیے سیاسی جماعتوں کا جوڑ توڑ عروج پر
تھا، ایک جانب ہارس ٹریڈنگ اور پیسے کی ریل پیل کے الزامات تھے تو دوسری
جانب سیاسی اتحاد اور مشترکا مفادات کی صورتحال تھی۔
اس موقع پر پاکستان مسلم لیگ( ن) کے رہنما آصف کرمانی نے پنجاب اسمبلی کے
باہر ذرائع ابلاغ عامہ کے نمائند ے سے گفتگو کرتے ہوئے کہا کہ
پاکستان مسلم لیگ (ق)کے رہنما کامل علی آغا نے میڈ یا سے گفتگو کرتے ہوئے کہا کہ
واضح رہے کہ موجودہ سینیٹ کے 52 ارکان 11 مارچ کو ریٹائر ہوں گے اور آج جیتنے والے آئندہ 6سال کے لئے سینیٹر بن جائیں گے۔