Dec 15, 2018 08:38 pm
views : 545
Location : Domestic Place
Islamabad- Pakistan in no rush to strike deal with IMF Finance Minister
اسلام آباد، حکومت کو آئی ایم ایف پروگرام لینے
کی کوئی جلدی نہیں، وزیر خزانہ
وفاقی وزیرخزانہ اسد عمر کا کہنا ہے کہ حکومت کو آئی ایم ایف پروگرام لینے
کی کوئی جلدی نہیں اور یہ پیکج صرف پاکستان کے مفاد کو مدنظر رکھ کر لیا
جائے گا۔
ایک انٹرویو کے دوران وفاقی وزیرخزانہ اسد عمر کا کہنا تھا
کہ ہماری حکومت آئی ایم ایف پروگرام لینے کے لیے اکتوبر سے انٹرنیشنل
مانیٹری فنڈ (آئی ایم ایف) سے مذاکرات کررہی ہے تاہم ہمیں یہ پیکج لینے کی
کوئی جلدی نہیں ہے البتہ مذاکرات جاری ہیں اور تب تک اس پروگرام پر دستخط
نہیں کریں گے جب تک ہمیں یہ یقین نہ ہوجائے کہ آئی ایم ایف سے لیا جانے
والا امدادی پیکج پاکستان کے بہتر مفاد میں ہے۔
وزیرخزانہ کا کہنا تھا کہ دوست ممالک کی جانب سے مدد کے بعد آئی ایم ایف
پرگروام لینے کے دباو میں کمی آئی اور حکومت کے ابتدائی 100 دنوں کے معاشی
اقدمات کی وجہ سے ہمیں کچھ بچت ہوئی جس سے رواں مالی سال کے دوران معیشت
چلانے میں مدد ملے گی۔
اسد عمر نے کہا کہ حکومت کے ابتدائی 100 دنوں کے اقدامات کی وجہ سے 6 سے 7
ارب ڈالر کی بچت ہوئی اور دوست ممالک کی جانب سے فنڈنگ کے بعد کرنٹ اکاؤنٹ
خسارہ مزید کم کرنے کی کوشش کریں گے۔ انہوں نے کہا کہ سعودی عرب کے ساتھ 6
ارب ڈالر کے پیکج پر اتفاق ہوا اور چین اور متحدہ عرب امارات سے بھی امداد
ملنے کی توقع ہے جس سے ملک کے فارن ایکسچینج ریزرو میں اضافہ ہوگا جو اس
وقت گزشتہ 4 سال کے مقابلے میں کم ترین سطح 7.3 ارب ڈالر پر آگئے ہیں۔