Dec 21, 2018 05:19 pm
views : 495
Location : Domestic Place
Islamabad- PM Imran Khan Addressees
اسلام آباد، اٹھارہ برس کی عمر میں برطانوی حکمرانوں کا طرز زندگی دیکھ کر میرے اندر تبدیلی آئی، عمران خان
وزیر اعظم عمران خان کا کہنا ہے کہ بچپن سے ہی ملک میں گورنر ہاؤسز اور
حکمرانوں کے بڑے بڑے گھر دیکھے، ایک ذہن میں ہمارے یہ تھا کہ حکمراں ایسے
ہی رہتے ہیں اور باقی لوگ دیواروں کے باہر رہتے ہیں۔ اٹھارہ برس کی عمر میں
پہلی مرتبہ میں برطانیہ گیا کرکٹ کھیلنے تو وہاں دیکھا کہ حکمراں کیسے
رہتے ہیں تب میرے اندر تبدیلی لائی۔
اسلام آباد میں پاکستان کو درپیش مشکلات اور ترقی کے نئے مواقع کے عنوان سے
منعقدہ کانفرنس سے خطاب کرتے ہوئے وزیر اعظم عمران خان کا مزید کہنا تھا
کہ ٹین ڈاؤننگ اسٹریٹ ایک سادہ سی عمارت تھی جس میں برطانوی وزیراعظم ٹونی
بلیئر رہتے تھے مگر یہاں پر حکمرانوں کے محلات قائم ہیں۔ جب ہمیں آزادی ملی
تو سوچا نہیں کہ ہمارے ملک میں اکثریت کو تعلیم، صحت اور ہسپتال کے علاوہ
انسانی ترقی چاہیے لیکن وہ حکمرانوں میں جو بھی آیا اس نے شاہانہ طرز زندگی
اپنائی۔
وزیر اعظم کا یہ بھی کہنا تھا کہ انگریز نے یہی بتانے کیلئے ہم پر حکومت کی
کہ وہ حکمران ہے۔ کالونیل ازم میں ایک چیز نہ ہو تو وہ سروائیو نہیں کرتی۔
کالونیل اپنے آپ کو سپریئر سمجھتا ہے اور جو کالونائیزڈ ہوتا ہے اپنے آپ
کو انفریئر سمجھتا ہے تو تب ہی کالونیل ازم چلتی ہے اسی لئے آج تک
افغانستان میں کوئی حکومت نہیں کرسکا کیونکہ وہ سپرئیر کو مانتے ہی نہیں
ہیں ۔
عمران خان نے یہ بھی کہا کہ بدقسمتی سے ہندوستان کی تاریخ بھی یہی رہی کہ
لوگ اپنے حکمران کو سمجھتے تھے کہ وہ ہمارا سپرئیر ہے۔ میں پاکستان کے ساتھ
ساتھ بڑا ہوا، نہ میں برطانیہ جاتا نہ آزاد ملک کو فنکشن ہوتے دیکھتا تو
میں نے بھی یہاں ہی محلات میں رہنا تھا۔