Featured

سندھ بوائز اسکواٹس ایسوسی ایشن کی تقریب تقسیم اسناد سے خطاب کرتے ہوئے گورنر سندھ کا مزید کہنا تھا کہ جن جن شخصیات پر پراپرٹی بنانے ، جائیدادیں خریدنے کے لئے غبن کرنے اور خرد بردکے الزامات ہیں وہ سب قوم کے مجرم ہیں اور انہیں کوئی حق نہیں ہے کہ وہ سیاست سمیت کسی بھی ملکی کام میں حصہ لیں، ان سب کو ہرصورت میں سزا بھگتنا ہوگی۔

انہوں نے کہا کہ سابقہ دورحکومت میں ن لیگ پی پی رہنماؤں پر اور پی پی حکومت ن لیگ کے رہنماؤں پر ہرطرح کے الزامات عائد کرتی رہی ہے اور اب وہ لوگ احتساب سے بچنے اوراپنے مفادات کے تحفظ کیلئے ایک دوسرے سے ہاتھ ملانے کیلئے تیار ہوگئے ہیں لیکن موجودہ حکومت بلا تفریق احتساب کا عمل جاری رکھے گی۔

گورنر سندھ عمران اسماعیل نے واضح کیا کہ نیب ہو یا ایف آئی اے کوئی بھی حکومت کے زیر اثر یا کنٹرول میں نہیں ہے یہ خودمختار ادارے اپنی مرضی سے کام کررہے ہیں، پاکستان تحریک انصاف کی حکومت چاہتی ہے کہ اوپر سے اور طاقتور انسانوں سے احتساب شروع ہوکر نیچے تک جائے ،اپوزیشن نے سب سے زیادہ پاکستان پر حکومت کی ہے اوران پر ہی سب سے زیادہ لوٹ مار اور پیسے کھانے کاالزام ہے، انہوں نے کہا کہ اپوزیشن چاہے جو بھی الزامات عائد کرتی رہے ، انشااللہ بلا تفریق احتساب کا عمل جاری رہے گا۔