کوئٹہ سے اسلام جانے کی تگ و دو کرنے والے ایک مسافر نے ٹکٹ خریدنے کے بعد بتایا کہ اس نے صبح کے وقت کوئٹہ اسلام آباد کاکرایہ چیک کیا تو وہ دس ہزار روپے تھا اب جب وہ ٹکٹ لینے آیا تو تھوڑی دیر میں ہی پی آئی انے کرایہ دس سے بڑھا کر گیارہ ہزار کردیا ہے۔

انہوں نے بتایاکہ کبھی کبھی تو ایسا بھی ہوتا ہے کہ ٹکٹ خریدنے کے دوران ہی صرف پانچ منٹ میں گیارہ ہزار کا ٹکٹ بیس ہزار روپے کا کردیا جاتاہے، کوئٹہ سے صرف دو ایئرلائنز پی آئی اے اور سرین چلتی ہیں جنہوں نے عوام کو دونوں ہاتھوں سے لوٹنے کاسلسلہ جاری رکھا ہوا ہے،دونوں نے من مانی کی ہوئی ہے اوراگر فلائٹ کینسل ہو جائے تو مصیبت ہی آجاتی ہے۔پاکستان میں انٹرنیشنل فلائٹ کا ٹکٹ بیس ہزار کا ہے اور کوئٹہ والوں کو ڈومیسٹک ٹکٹ بیس ہزار کا دیاجاتا ہے۔ پاکستان میں کہیں بھی کوئی بھی مسئلہ ہوتا ہے تو سب سے پہلے کوئٹہ کی فلائٹ کینسل کردی جاتی ہے ، کوئٹہ والوں کو پرسان حال نہیں ہے اوریہاں کے عوام کوکوئی دیکھتا تک نہیں ہے، کوئی دیکھنے کہنے سننے والا کوئی نہیں ہے۔

ایک دوسرے مسافر نے بتایاکہ ایمرجنسی میں اسلام آباد جانا ہے تو کم سیٹوں کا بہانا بناکر مجھے پچیس ہزار کا ٹکٹ دیا گیا ہے جبکہ عام طور پر ٹکٹ گیارہ ہزار کاہوتا ہے،حکومت پاکستان کے عوام پر رحم کرے اور ٹکٹوں کی قیمتوں کو مناسب نرخوں پر رکھاجائے۔