Featured

 لاہور میں ذرائع ابلاغ عامہ کے نمائندوں سے گفتگو کرتے ہوئے فواد چوہدری کا مزید کہنا تھا کہ  ماشااللہ یہ بچے اتنے زیادہ ٹیلنٹڈتھے لیکن اصل میں ان کا اصل ٹیلنٹ ان کے ماں باپ ہیں،جنہوں نے بچوں کے اکاؤنٹس میں ایسے پیسے بھرے کہ بچوں کو بھی سمجھ نہیں آرہا کہ اتنے پیسے آئے کہاں سے ؟؟؟۔ 

وفاقی وزیراطلاعات فواد چوہدری نے کہاکہ کل نوازشریف کے کیس کافیصلہ ہونا ہے، مجھے اس بات کا افسوس ہے کہ ہمارا جو نظام خراب ہے ہم حکومت میں بحرحال ہیں لیکن اس کا یہ مطلب تو نہیں ہے کہ ہم بادشاہ ہیں؟؟؟۔ہمارے ہاتھ بندھے ہیں، ہم بھی آئین قانون اور ضابطوں میں بندھے ہوئے ہیں ۔

انہوں نے کہا کہ وزیراعظم عمران خان نے کل ہی شہبازشریف کو پی اے سی کا چیئرمین بنانے پرتنقید کی ہے، ہمارے سابق حکمران گروپ آف بلیک میلرز ہیں اور ہمارے کام بھی ماشااللہ ایسے نرالے ہیں کہ جولوگ اربوں روپے کی کرپشن کے کیسز کا سامنے کررہے ہیں انہیں ہی پبلک اکاؤنٹس کمیٹی کا چیئرمین بنادیاگیاہے۔