Dec 29, 2018 05:41 pm
views : 459
Location : Domestic Place
Islamabad- Federal Ministry of Planning Organizes meeting regards Population
اسلام آباد، وزارت منصوبہ بندی کے تحت آبادی پر قابو پانے کے حوالے سے ایک اعلیٰ سطحی اجلاس کا انعقاد
وزارت منصوبہ بندی کے تحت آبادی پر قابو پانے کے حوالے سے ایک اعلیٰ سطحی
اجلاس منعقد کیا گیا۔ اجلاس کی صدارت پاکستان تحریک انصاف سے تعلق رکھنے
والی رکن قومی اسمبلی اور پارلیمانی سیکریٹری برائے منصوبہ بندی، ترقیات
اور اصلاحات کنول شوزب نے کی۔
اجلاس میں ڈائریکٹر جنرل پاپولیشن وزارت صحت عبدالغفار خان سمیت دیگر اعلیٰ حکام بھی شریک تھے۔
اجلاس میں آبادی میں اضافے کی وجوہات کا تعین اور اس پر قابو پانے کیلئے مختلف تجاویز زیر بحث لائی گئیں۔
اس موقع پر رکن قومی اسمبلی کنول شوزب کا کہنا تھا کہ اجلاس میں تمام تھنک
ٹینکس کو بلایا گیا ہے کہ آبادی کو کس طرح کنٹرول کرنے کیلئے آگے بڑھا
جاسکتا ہے۔ اجلاس میں وفاق اور صوبوں میں جو آبادی پر قابو پانے کیلئے ٹاسک
فورس بنائی گئی ہیں اس کی کارکردگی پر بھی روشنی ڈالی گئی اور فیصلہ کیا
گیا کہ ان ٹاسک فورسز کی معاونت کیلئے تھنک ٹینک یونٹ فراہم کیا جائے۔
انہوں نے بتایا کہ اجلاس میں ماں اور بچے کی صحت، غذا اور ماحولیاتی تبدیلی
پر بھی سیر حاصل گفتگو کی گئی۔ پاپولیشن کونسل کے تحت پالیسی سازی میں
معاونت کیلئے مستقل فیڈ بیک دی جائے گی کیونکہ آبادی میں اضافہ بنیادی
مسئلہ ہے ۔ اجلاس کے بہت دورس نتائج برآمد ہوں گے اور بہترین پالیسی مرتب
کرنے میں مدد ملے گی۔
ڈی جی پاپولیشن وزارت صحت عبدالغفار خان کا کہنا تھا کہ آج کے اجلاس کا
مقصد یہ تھا کہ ایک تھنک ٹینک نیٹ ورک کو تشکیل دیا جائے کیونکہ دنیا بھر
میں ترقی اس لئے ہوتی ہے کہ وہ چیزوں پر ریسرچ کرتے ہیں، اس چیز کو سامنے
رکھتے ہوئے پلاننگ کمیشن ، پلاننگ کونسل اور وزارت صحت نے مشترکہ کاوش کی
ہیں اور ہم نے ان علاقوں کی نشاندہی کی ہیں جہاں پر ریسرچ کی ضرورت ہے۔