ایمسٹرڈم، شیفول ایئرپورٹ پر بم کی دھمکی دینے والا کینیڈین شہری گرفتار
نیدرلینڈ کے دارالحکومت ایمسٹرڈم کے شیفول ایئرپورٹ پراپنے پاس بم ہونے کی
دھمکی دینے پر 51برس کے کینیڈین شہری کوڈچ فوجی پولیس نے گرفتار کرلیا ،
ایئرپورٹ حکام کے مطابق کینیڈین شہری کی جانب سے دھمکی کے بعد شیفول
ایئرپورٹ کے آنے اور جانے والے حال نمبر کوبند کردیاگیا تھا۔
کینیڈین شہری کی جانب سے دھمکی دینے کے فوراًبعد ڈچ فوجی پولیس نے موقع پر
پہنچ کر ملزم کو قابو کرکے گرفتار کرلیا، تلاشی لینے کے بعد بم کی دھمکی
افواہ نکلی جس کے بعد ایئرپورٹ کے دونوں بند کئے گئے ہال کھول دیئے گئے۔
ڈچ فوجی پولیس نے گرفتار کئے گئے ملزم کے حوالے سے مزید تفصیلات نہیں بتائیں،ملزم کو حراست میں لینے کے بعد تھانے منتقل کردیا گیا۔
کینیڈین وزارت خارجہ کے حکام نے بتایا کہ انہیں اس حوالے سے آگاہ کردیاگیا
تھا اور وہ ملزم کے حوالے سے تفصیلات جاننے کیلئے ڈچ حکام سے رابطے میں
ہیں، وزارت خارجہ نے معلومات کے خفیہ قانون کے تحت ملزم کے حوالے سے
تفصیلات بتانے سے انکار کردیا ہے۔