Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Jan 04, 2019 06:54 pm views : 523

Location : Different Areas

Karachi- QR Code Technology apply on Grave First Time in Pakistan

کراچی،ڈاکٹر رتھ فاﺅ کی آخری آرام گاہ پاکستان کی پہلی اسمارٹ قبر

پاکستان میں جذام کے مریضوں کی مسیحا ڈاکٹر رتھ فاﺅ کی قبر پر کیو آر کوڈ درج کیا گیاہے،جس کے بعد ڈاکٹر رتھ فائو کی آخری آرام گاہ پاکستان کی پہلی 'اسمارٹ قبر' بن گئی ہے، لاکھوں مریضوں کے چہروں پر مسکراہٹ بکھیرنے والی ڈاکٹر رتھ فاﺅ 10 اگست 2017کو طویل علالت کے بعد کراچی میں انتقال کر گئیں تھیں۔
ڈاکٹر رتھ فاﺅکی وصیت کے مطابق ان کی تدفین سرخ جوڑے میں قومی اعزاز کے ساتھ کراچی میں واقع مسیح قبرستان(گورا قبرستان)میں عیسائی رسومات کے تحت قومی اعزاز کے ساتھ کی گئی۔
ڈاکٹر رتھ فاﺅ کے مداحوں نے جذام کے مریضوں کی مسیحا کو انوکھے انداز سے خراج تحسین پیش کرتے ہوئے ان کی قبر پر کیو آر کوڈ آویزاں کیا ہے۔اس کوڈ کو موبائل میں اسکین کر کے ڈاکٹر رتھ فاﺅ کی زندگی اور ان کی خدمات کے بارے میں مکمل معلومات حاصل کی جاسکتی ہیں۔
کیو آر کوڈ دراصل روایتی بار کوڈ کی ایک قسم ہے جسکی ابتدا جاپان سے ہوئی تھی ، یہ کالے اورسفید چوکور خانوں پرمشتمل کوڈ سسٹم ہے جسے جاپانی کاروں کے پارٹس کیلئے ایجاد کیا گیا تھا جو اب دنیا میں ہرجگہ ہرچیز کیلئے استعمال ہورہا ہے۔ان چوکورخانوں میں ہی تمام معلومات جمع کی جاتی ہیں جو اسکیننگ پر سامنے پیش ہوجاتی ہیں۔
کراچی میں ڈاکٹر رتھ فائو کے قائم کردہ فلاحی ادارے 'میری ایڈلیڈ لیپروسی سینٹر' میڈیامنیجر نثار ملک نے بتایا کہ کیو آر کوڈ ڈاکٹر رتھ فائو کو یاد رکھنے کی ایک کوشش ہے،کیونکہ انہوں نے پاکستان سے جزام کے خاتمہ کیلئے اپنی زندگی وقف کردی تھی "اس جدید ٹیکنالوجی کو پہلی مرتبہ اس انداز میں متعارف کرانے کاآئیڈیا ہمارے ادارے کا ہی تھا۔ یہ بنیادی طور پر ڈاکٹر رتھ فائو کو یاد رکھنے کا ایک بہانہ ہے تاکہ نئی جنریشن بھی انہیں اور ان کی عظیم خدمات کو یاد رکھے۔
گورا قبرستان میں ڈاکٹررتھ فائو کی قبر پرآنے والے قیصر جون کا کہنا تھا کہ میں جزام کے خاتمے کے حوالے سے ڈاکٹررتھ فائو کو بچپن سے ہی جانتا ہوں، ڈاکٹررتھ فائو نے جزام کے خاتمے کاانتہائی مشکل ترین کام کیاتھا جوبظاہر ناممکن نظرآتا ہے کیونکہ ہم لوگ جن مریضوں سے ملنا، بات کرنایا ان کو دیکھناتک نہیں چاہتے یہ ان کے قریب رہ کر ان کا علاج کرتی تھیں جو کوئی  عام آدمی یا عام ڈاکٹرکرہی نہیں سکتاتھا۔