کراچی،کراچی کے بیچ لگڑری ہوٹل میں ”نمک منڈی فیسٹیول“ جاری
پشاور کی گلیوں سے آتی بار بی کیو کی مہک پاکستان بھر سے گوشت کھانے کے شوقین افراد کو خیبر پختونخواہ آنے پر مجبور کرتی ہے لیکن اب کراچی والوں کو پشاور کی نمک منڈی جانے کی ضرورت نہیںہے کیونکہ نمک منڈی کے شاندار کھانوں کی ورائٹی اب کراچی کے بیچ لگڑری ہوٹل کی ”نمک منڈی فیسٹیول“میںدستیاب ہے۔
پشاوری پکوان کی خاص تراکیب افغانستان اور پاکستان کے سرحدی علاقے پشتون سرزمین کی پیداوار ہیں۔ یہ اپنی سادہ انداز کے باعث جانی جاتی ہیں۔ یہاں کا کھانا پاکستان کے دیگر علاقوں کے تیز مصالحوں والے پکوانوں سے بالکل مختلف ہے۔
پشاور کی نمک منڈی کے چرسی تکوں پر صرف نمک لگایا جاتا ہے اور انہیں دنبے کی چربی کے ساتھ کوئلوں پر پکایا جاتا ہے۔ یہاں کی گوشت کڑاہی بھی بہت مشہور ہے۔ اس خاص ڈش میں گوشت کو چربی، ہری مرچوں اور ٹماٹر کے ساتھ پکایا جاتا ہے۔ اس لذیذ کھانے کو گرم نان اور دہی کے ساتھ پیش کیا جاتا ہے۔
کراچی کے بیچ لگڑری ہوٹل میں ”نمک منڈی فیسٹیول“ میں شریک غیرملکی ایلن نے بتایا کہ اس کا تعلق لندن سے ہے لیکن وہ دبئی میں کام کرتا ہے اور پہلی مرتبہ ا س ہوٹل اور ریسٹورنٹ میں آیا ہے اور اسے یہاں کاکھانا بہت پسند آیااوراچھا لگا۔
عدنان رضانامی شہری کاکہنا تھا کہ یہاں پر بہت اچھا کھانا ہے جبکہ کھانوں کی ورائٹی بھی بہت زیادہ اوراچھی تھی ، یہاں پرایسا لگ رہا ہے کہ ہم پشاور کی نمک منڈی میں کھاناکھارہے ہیں۔
نمک منڈی فیسٹیول میں شریک لڑکی خدیجہ فاطمہ کا کہنا تھا کہ یہاں کاکھانانہ صرف پشاورانداز کاہے بلکہ یہاں کا ماحول بھی پشاور جیسا بنایا گیا ہے جو بہت اچھا لگ رہا ہے۔