ٹیکساس، امریکی صدر ڈونلڈٹرمپ کا میکسیکو کے ساتھ سرحد کا دورہ
امریکی صدر ڈونلڈٹرمپ نے میکسیکو کے ساتھ سرحد کا دورہ کیا،اس موقع پر
انہیں بارڈر پٹرول سیکیورٹی اہلکاروں کی جانب سے بریفنگ دی گئی۔
امریکی صدر کو بتایا گیا کہ گزشتہ روز 450 سے زائدغیرقانونی تارکین وطن
کوگرفتارکیا، گرفتار تارکین وطن میں سے بیشتر کا تعلق وسطی امریکی ممالک سے
ہے۔
ڈونلڈ ٹرمپ کو دی جانے والی بریفنگ میں بتایا گیا کہ گرفتار ہونے والوں میں
133 کا تعلق ایشیائی اور دیگر ممالک سے ہے، گرفتار افراد 41 مختلف ممالک
سے تعلق رکھتے ہیں۔
بارڈرپٹرول ایجنٹ نے بتایا کہ پاکستانی، بھارتی اورچینی تارکین وطن کو بھی
گرفتارکیا گیا، امریکی صدر نے سوال کیا کہ کتنے پاکستانی گرفتار کیے؟جس پر
بارڈرپٹرول ایجنٹ نے جواب دیا کہ 2 پاکستانی میکسیکوسرحد سے حراست میں لیے
گئے۔
یاد رہے کہ گزشتہ روز امریکی صدر ڈونلڈ ٹرمپ نے امریکا کے نشریاتی و
خبررساں اداروں پر برہمی کا اظہار کرتے ہوئے سماجی رابطے کی ویب سائٹ ٹویٹر
پر اپنے پیغام میں کہا کہ ’امریکی نشریاتی ادارے پاگل ہوگئے ہیں‘۔
واضح رہے کہ دو روز قبل ڈیموکریٹ ارکان کانگریس اور کانگریس کی اسپیکر
نینسی پلوسی نے امریکی صدر ٹرمپ کو بحران کا ذمہ دار قرار دیا تھا۔