وفاقی
حکومت کی جانب سے منی بجٹ 2018-2019ء پر تاجر وصنعتکار برادری نے اپنے
ملے جلے ردعمل کا اظہار کیا ہے۔ منی بجٹ کے بعد وفاق ایوانہائے صنعت وتجارت
(ایف پی سی سی آئی) میں
تاجر وصنعتکار برادری کا اجلاس ہوا۔
اس موقع پر ایف پی سی سی آئی کے صدر داوو خان اچکزئی کا کہنا تھا کہ وفاقی
حکومت کی جانب سے پیش کردہ منی بجٹ میں زرعی قرضے میں 22 فیصد اضافہ کیا
گیا ہے اور ساتھ میں شرح سود 39 فیصد سے گھٹاکر 20 فیصد کردی گئی ہے، اسی
طرح ہاؤسنگ انڈسٹری میں قرض حسنہ پر پانچ ارب روپے کی سبسڈی دی گئی ہے۔
ان کا کہنا تھاکہ روز اول سے صنعتکار وتاجر برادری بھی اس کے خلاف تھے ، اب
فائلرز غیر ضروری طور پر ڈاکومینٹیشن سے فارغ ہوگئے جو کہ ایک اچھا قدم
ہے۔ نان فائلرز پر 1300 سی سی تک کی لوکل مینوفیکچر کار ز پر بین لیفٹ
کردیا گیا ہے وہ بھی ہم سمجھتے ہیں کہ مثبت طریقہ کار ہے۔ اس کے ذریعے
دہندگان پر مثبت پیغام جائے گا یہ مثبت ترغیب ہے۔سرمایہ کاری سولر پینل اور
ونڈ ٹربائنز پر ایگزامشن دی گئی ہے اس سے متبادل توانائی کے حصول پر حکومت
کی توجہ ہے اس کے مثبت اثرات مرتب ہوں گے۔فیڈریشن کا یہ مطالبہ رہا ہے
کیونکہ پاکستان خود ایک تئیس کروڑ آبادی کا ملک ہے، لوکل کنیزیوم ایبل
انڈسٹریز کو بھی اسی طرح کی سہولیات دی جائیں۔