Jan 26, 2019 06:00 pm
views : 497
Location : Pakistan Navel Headquarter
Karachi- Two Japanese Naval Aircraft visits Karachi for Pre-Aman 2019 Exercise
کراچی، پاک بحریہ کے تحت چھٹی کثیر الملکی بحری مشق امن2019 کا انعقاد فروری سے ہوگا
پاک بحریہ فروری2019 میں چھٹی کثیر الملکی بحری مشق امن2019 کا انعقاد کر
رہی ہے،اس تناظر میں جاپانی بحریہ کی میری ٹائم فورس برائے اینٹی پائریسی
کے دو پی تھری سی جہازوں نے قبل از امن تیاری اور مشترکہ مشقوں کے لئے پی این ایس
مہران کا دورہ کیا۔دونوں جہازوں اور ان کے عملے نے پاک بحریہ کے فضائی شعبے
کے ساتھ سرچ اینڈ ریسکیو اور کاﺅنٹر پائریسی کے علاوہ مختلف مشترکہ مشقوں
میں حصہ لیا۔
جاپانی دستے نے پاکستان میری ٹائم میوزیم اور پی اے ایف میوزیم کا بھی دورہ
کیا اور پاک بحریہ اور پاک فضائیہ کی تاریخی فتوحات اور کامیابیوں کے بارے
میں معلومات حاصل کیں۔کمانڈر نیول ایوی ایشن کی جانب سے جاپانی پی تھری سی جہازوں
کے عملے کے اعزاز میں ایک الوادعی عشائیے کا بھی اہتمام کیا گیا جس میں
جاپان کے سینئیر افسران اور معززین نے شرکت کی۔
جاپانی پی تھری سی جہازوں کا دورہ دونوں ممالک کے مابین مشترکہ آپریشنز کی
صلاحیتوں کو بڑھانے اور باہمی تعاون کے فروغ کی خواہش کا آئینہ دار ہے۔دورے
کا مقصد نہ صرف باہمی تعلقات کو مضبوط بنانا ہے بلکہ جنوبی بحیرہ عرب میں
غیر قانونی سرگرمیوں کی روک تھام کے لئے مشترکہ کاوشوں کو بڑھانا بھی
ہے۔علاوہ ازیں جاپانی جہازوں کی بحری مشقوں میں شرکت سے دونوں ممالک کے
افسران اور عملے کو سرچ اینڈ ریسکیو اور کاﺅنٹر پائریسی میں مشترکہ آپریشنز
کی صلاحیتوں اور استعداد کو بڑھانے کا موقع بھی حاصل ہوا۔
جاپانی پی تھری سی جہازوں کی پاکستان آمد پاک بحریہ اور جاپانی میری ٹائم سیلف
ڈیفنس فورس کے مابین میری ٹائم تعاون کا ایک اہم سنگ میل ہے۔جاپانی میری
ٹائم سیلف ڈیفنس فورس کے جہازوں کے اس دورے سے دونوں ممالک کی بحری افواج
کے مابین تعلقات مزید مضبوط ہوں گے اور پاکستان اور جاپان کے سفارتی اور
دفاعی تعلقات میں ایک نئے دور کا آغاز ہو گا۔