Sep 06, 2019 10:33 pm
views : 329
Location : Domestic Place
Lahore- Shahbaz Sharif visit Shaheed lance naik Taimoor Aslam's House.
لاہور،شہدا کی قربانیاں ضائع نہیں ہونے دیں گے،شہباز شریف
مسلم لیگ ن کے صدر شہباز شریف کا کہنا ہے کہ شہداء قوم کا عظیم سرمایہ ہیں، ان کی قربانیاں ضائع نہیں ہونے دیں گے۔
مسلم لیگ (ن) کے صدر شہباز شریف لاہور میں شہید لانس نائیک تیمور اسلم کے گھر پہنچے اور اہل خانہ سے ملاقات میں شہید کو خراج عقیدت پیش کیا۔ اس موقع پر انہوں نے کہا کہ مادر وطن کے دفاع اور سلامتی کے لیے جانوں کے نذرانے دینے والے ہمارے اصل ہیرو ہیں۔
شہباز شریف نے کہا کہ پوری قوم شہداء کے اہل خانہ کی قرض دار ہے، ہم ان کے عظیم حوصلے کو خراج تحسین پیش کرتے ہیں۔
انہوں نے مزید کہا ہے کہ شہداء قوم کا عظیم سرمایہ ہیں، ہم ان کی قربانیوں کو ضائع نہیں ہونے دیں گے، مسلح افواج اور قوم وطن کی آزادی و خود مختاری اور سلامتی کے لیے متحد اور یک جان ہیں۔
واضح رہے کہ لانس نائیک تیمور اسلم نے 15اگست کو لائن آف کنٹرول پر شہادت پائی تھی۔