Oct 04, 2019 07:44 pm
views : 271
Location : Different Places
Karachi-VoxPop Public Views Plastic Bags Ban
کراچی،ماحول کو صاف ستھر ا رکھنے کیلئےکراچی سمیت سندھ بھر پلاسٹک بیگز پر پابندی جاری
ماحول کو صاف ستھر ا رکھنے کیلئےکراچی سمیت سندھ بھر پلاسٹک بیگز پر پابندی جاری ہے۔
سندھ حکومت کے ترجمان مشیر قانون ، ماحولیات و ساحلی ترقی بیرسٹر مرتضی وہاب کی ہدایت پر سندھ انوائرونمنٹل پروٹیکشن ایجنسی کی ٹیم نے حیدرآباد میں کارروائی کی اور تاحال استعمال ہونے والی پلاسٹک کی تھیلیاں تحویل میں لی گئیں۔
سندھ انوائرونمنٹل پروٹیکشن ایجنسی (سیپا) کا کہنا ہے کہ تحویل میں لیے گئے پلاسٹک بیگز کی موٹائی تیس مائیکرون سے کم تھی۔
بیرسٹر مرتضی وہاب نے کہا کہ پلاسٹک بیگز کے تاحال استعمال کے خلاف کراچی، حیدرآباد سمیت سندھ بھر میں کارروائیاں ہوں گی۔
انہوں نے کہا کہ عوام تیس مائیکرون سے کم موٹائی کے پلاسٹک بیگز کے استعمال کو ترک کریں کیونکہ یہ ہمارے ماحول کو آلودہ کرتے ہیں جبکہ ان کو جلانے سے بھی گریز کیا جائے۔
مرتضی وہاب کا کہنا ہے کہ ماحولیاتی آلودگی ہم سب کے لیے ایک بڑا چیلنج ہے۔
شہریوں کیجانب سے اس عمل کو بہترین قرار دیا جارہا ہے تاہم اس شعبے سے وابستہ افراد کیلئے روزگار کی فراہمی کا مطالبہ بھی کیا گیا ہے۔
ایک دکاندار علی شہزاد کا ذرائع ابلاغ عامہ کے نمائندے سے گفتگو کرتے ہوئے کہنا تھا کہ اداروں کو یہ معلوم ہی نہیں ہے کہ چیزوں پر پابندی عائد کی گئی،اگر حکومت کے احکامات کو دیکھا جائے تو یہ اچھا اقدام ہے۔
محمد سلمان کا کہنا تھا کہ حکومت نے کیمیکل کے ساتھ پلاسٹک بنانے کی ہدایت کی ہے جس کے مطابق کام پورہا ہے جبکہ اس پر مزید کام کریں گے۔
ایک شہری حارث کا کہنا تھا کہ حکومت نے صرف پلاسٹک بیگز پر پابندی لگائی ہے اس کے علاوہ کسی اور چیز پر پابندی نہیں ہے۔