Oct 10, 2019 10:47 am
views : 274
Location : Domestic Place
Rawalpindi- Soldier martyred in unprovoked firing by Indian troops across LoC
راولپنڈی، بھارتی فوج کی ایل او سی پر فائرنگ، پاک فوج کا جوان شہید
http://www.tnnasia.tv
بھارتی
فوج کی جانب سے بلا اشتعال گولہ باری اور فائرنگ کی صورت میں لائن آف
کنٹرول (ایل او سی) کی خلاف ورزی مسلسل جاری ہے، آج پھر بھارتی فوج نے ایل
او سی کے سیکٹرز پر بلا اشتعال فائرنگ کی ہے۔
پاک فوج کے شعبہ تعلقاتِ
عامہ (آئی ایس پی آر) کے مطابق بھارتی فوج نے بڑوھ اور چڑی کوٹ سیکٹرز
میں بلا اشتعال فائرنگ کی ہے جس کے نتیجے میں پاک فوج کے جوان نعمت ولی
شہید ہو گئے۔
آئی ایس پی آر کا کہنا ہے کہ بھارتی فائرنگ کے نتیجے میں 2 خواتین زخمی ہوئی ہیں جن کا تعلق سریاں گاؤں سے ہے۔
آئی
ایس پی آر کا مزید کہنا ہے کہ ایل او سی کے سیکٹرز پر بھارتی فوج کی بلا
اشتعال فائرنگ کے جواب میں پاک فوج نے بھرپور کارروائی کی ہے۔
آئی ایس پی آر نے یہ بھی بتایا ہے کہ پاک فوج نے جوابی کارروائی کرتے ہوئے بھارتی چیک پوسٹوں کو نشانہ بنایا ہے۔