نئی دہلی، بھارت میں علامہ اقبال کی نظم پڑھنے کی پاداش میں ہیڈ ماسٹر کو معطل کردیا گیا
http://www.tnnasia.tv
بھارت میں 117 سال پرانی علامہ اقبال کی نظم "لب پہ آتی ہے دعا بن کے تمنا میری" ہندوؤں کے خلاف قرار دے دی گئی، اسکول کی اسمبلی میں پڑھنے کی پاداش میں ہیڈ ماسٹر کو معطل کرکے اسکول بند کر دیا گیا۔
بھارت میں ہندو توا کا جادو سر چڑھ کر بولنے لگا، بھارتی ریاست پٹنہ کے شہر پلی بھیر کے سکول میں علامہ اقبال کی خوبصورت دعائیہ نظم پڑھنا بھی جرم بن گیا، نیک راستے پر چلانے اور برائی سے بچانے والی یہ دعا اسمبلی میں پڑھنے پر سکول ہی بند کروا دیا، مسلمان ہیڈ ماسٹر فرقان کو بھی معطل کر دیا۔
اس خوبصورت دعا کو بین کرنے والا بھارت کیا علامہ اقبال کی باقی نظموں اور نغموں پر بھی پابندی لگا ئے گا، بھارت نیتاؤں کو یاد تو ہو گا کہ وہاں سب سے زیادہ گایا جانے والا نغمہ "سارے جہان سے اچھا ہندوستان ہمارا" بھی شاعر مشرق کا ہی لکھا ہوا ہے۔