Nov 01, 2019 06:30 pm
views : 255
Location : Domestic place
Gilgit- PM Imran reiterates support for Kashmiris at Gilgit-Baltistan
گلگت،کلمہ پڑھنےوالا انسانوں کے آگے نہیں جھکتا،اللہ سے امیدرکھتاہے،وزیر اعظم عمران خان
وزیراعظم عمران خان نے کہا
ہے کہ کلمہ پڑھنےوالا انسانوں کے آگے نہیں جھکتا،اللہ سے امیدرکھتاہے،
مقبوضہ کشمیر میں جیسے ہی کرفیو اٹھے گا انسانوں کا سمندر آزادی کیلئے باہر
نکلے گا، انشاللہ کوئی بھی طاقت کشمیر کو آزاد ہونےسے نہیں روک سکتی۔
وزیراعظم
عمران خان نے گلگت بلتستان میں آزادی پریڈ سے خطاب کرتے ہوئے کہا ہم دعویٰ
کرتے ہیں کہ اللہ کے سوا کوئی معبود نہیں ، کلمہ پڑھنے والا انسانوں کے
آگے نہیں جھکتا،اللہ سے امید رکھتا ہے، گلگت بلتستان کے لوگوں نے ڈوگرہ راج
کیخلاف آزادی کی جنگ لڑی۔
وزیراعظم کا کہنا تھا کہ پاکستان واحد ملک ہے
جو اسلام کے نام پر بنا تھا اور اللہ کا خاص تحفہ ہے ، گلگت بلتستان کے
یوم آزادی پر گلگت آیا ہوں ، مسلمانوں کے عظیم قوم بننے پر جو بنیاد رکھی
گئی اس پر چلنا ہے ، جتنا زور انصاف کےلئے دیں گے اتنا اللہ ہم پر عدل کرے
گا۔
وزیراعظم نے مزید کہا کہ کشمیریوں کو پیغام ہے پاکستانی آپکےپیچھے
ہیں آپ کیلئے دعائیں کررہےہیں، کشمیریوں کا سفیر اور وکیل ہوں، پوری دنیا
میں کشمیریوں کی وکالت کروں گا،و گلگت کے لوگ جنگ نہ لڑتے تویہ بھی آج
مودی کےظلم کا شکار ہوتے، موت کا خوف ختم ہوجاتا ہے تو وہ بڑا انسان بن
جاتا ہے۔
انھوں نے کہا کہ جو خوبصورتی گلگت بلتستان میں ہے دنیا میں
کہیں نہیں، سیاحوں کےلئے پاکستان کو کھول دیا ہے ، پاکستان ،گلگت بلتستان
میں کئی گنا زیادہ سیاحت کو فروغ ملے گا، گلگت بلتستان سی پیک کا گیٹ وے
ہے۔
وزیراعظم کا کہنا تھا کہ گلگت بلتستان چین کو پاکستان سے ملاتا ہے ،
گلگت بلتستان کے یوم آزادی میں شرکت پر فخر ہے ، اللہ کا شکر ہے گلگت کے
لوگوں پر آج وہ نہیں گزر رہی جو کشمیر میں ہے۔
عمران خان نے کہا کہ
نریندرمودی 5اگست کو آخری پتہ کھیل چکا ہے ، جیسے ہی کرفیو اٹھے گاانسانوں
کا سمندر آزادی کیلئے باہر نکلے گا، انشاللہ کوئی بھی طاقت کشمیر کو آزاد
ہونےسے نہیں روک سکتی۔
ان کا مزید کہنا تھا کہ پاک فوج سمیت آپ سب کا
شکر گزار ہوں، آج سپر پاور بھی دہشتگردی کیخلاف جنگ نہیں جیت سکے ، پاک فوج
اور 1947کے ہیروز کو خراج عقیدت پیش کرتاہوں، پاک فوج نے دہشت گردی
کیخلاف کامیابی سے جنگ جیتی۔