Sep 03, 2020 04:06 pm
views : 237
Location : Domestic Place
Islamabad- FM Qureshi strongly denounces blasphemous caricatures by French Magazine Charlie Hebdo
اسلام آباد، آزادی اظہار رائے کا مطلب یہ نہیں دوسروں کی دل آزاری لائسنس آگیا ہے، وزیر خارجہ
وزیر خارجہ شاہ محمود قریشی نے کہا کہ حکومت پاکستان کی طرف سے فرانسیسی میگزین چارلی ہیبڈو کی مذمت کرتا ہوں۔
انہوں نے کہا کہ گستاخانہ خاکوں کی وجہ سےکروڑوں مسلمانوں کے جذبات مجروح ہوئے،لوگ مشتعل ہیں اس بلا جواز حرکت کی جتنی مذمت کی جائے کم ہے، دیکھ رہے ہیں اسلاموفوبیا،نسل پرستی، زینوفوبیا کا رحجان بڑھتاچلاجا رہا ہے۔
وزیر خارجہ کا کہنا تھا کہ پاکستان نے ہر عالمی فورم پر اس مسئلے کی نشاندہی کی،وزیراعظم نےجنرل اسمبلی میں معاملے کی نشاندہی کی، مسئلے کا تدارک ہوناچاہیے۔
شاہ محمود قریشی نے کہا کہ عالمی سطح پر مل بیٹھ کر یہ سوچنا چاہیےکہ ایسےرحجانات کو کیسے روکا جائے،جو دوسروں کے جذبات مجروح کرتے ہوں،ان کے خلاف بند کیسے باندھاجائے؟
انہوں نے کہا کہ پاکستان ایک جمہوری ملک ہے،آزادی اظہار رائے پر یقین رکھتے ہیں،آزادی اظہار رائے کا مطلب یہ نہیں دوسروں کی دل آزاری کا لائسنس آگیا ہے، توقع ہےعالمی برادری مسئلے کا تدارک،ایسے رحجانات کی بیخ کنی کرے گی۔
وزیر خارجہ کا کہنا تھا کہ حکومت پاکستان نے حکومت فرانس کو اپنی تشویش سے آگاہ کر دیا ہے،اپنےجذبات حکومت فرانس تک ان کے سفیر کے ذریعے پہنچا دیے ہیں۔
شاہ محمود قریشی نے کہا کہ توقع کرتا ہوں کہ ایسی گستاخانہ حرکت دوبارہ نہ دہرائی جائے،جنہوں نے یہ حرکت کی ہے انہیں کٹہرے میں لایا جائے۔