Sep 07, 2020 05:05 pm
views : 259
Location : Different Places
Islamabad- Educational institutions across Pakistan to reopen in phases starting Sept 15
کراچی، والدین کیلئے اہم خبر ، مرحلہ وارتعلیمی ادارے کھولنے سے متعلق تاریخوں کو اعلان
وفاقی وزیرتعلیم شفقت محمود کی زیرصدارت بین الصوبائی وزرائےتعلیم کے اجلاس کے بعد وزیر تعلیم سندھ سعید غنی نے اپنے بیان میں کہا ہے کہ تعلیمی ادارے15، 22 اور30 ستمبرکومرحلہ وارکھولےجائیں گے، ہر تاریخ سے ایک روز قبل دوبارہ ریویو بھی کیا جائےگا۔
وزیر تعلیم سندھ کا کہنا تھا کہ صوبہ ایس اوپیزکی تیاری نہ ہونےپراسکولزکوکچھ دن بندش کی مہلت دےسکتاہے، سرجیکل ماسک لازمی نہیں کپڑے کا ماسک بھی قابل استعمال ہوگا۔
سعیدغنی نے کہا تعلیمی ادارےکسی بچےکوبخاریاکھانسی ہےتووہ اسےاسکول نہ آنےدیں، صوبےمحکمہ صحت کےساتھ مل کر مانیٹرنگ کمیٹیاں تشکیل دیں ، مانیٹرنگ کمیٹیاں روزانہ کی بنیاد پر اسکولوں کا معائنہ کریں۔
یاد رہے وفاقی وزیرتعلیم شفقت محمود کی زیرصدارت بین الصوبائی وزرائےتعلیم کے اجلاس میں 15ستمبر سے نویں، دسویں جماعت ، یونیورسٹی اور کالجوں کو کھولنے کا اصولی فیصلہ کیا گیا۔
ذرائع کا کہنا تھا کہ بڑی جماعتوں کی کلاسیں کھولنے کے بعد کورونا کیسز کومانیٹر کیا جائے گا، کوروناصورتحال کےپیش نظر ایک ہفتہ بعد چھٹی سے آٹھویں تک کی سرگرمیوں کا آغازہوگا۔
تمام صوبائی وزرائےتعلیم نے تعلیمی سرگرمیاں مرحلہ وار شروع کرنے پر متفق ہوتے ہوئے کہا گیا کہ کورونا وائرس کے ایس او پیز پر سختی سے عملدرآمد ہوگا جبکہ طلباکو ماسک کےساتھ تعلیمی اداروں میں داخلہ یقینی بنانےکی ہدایت کی جائے گی۔