Sep 11, 2020 04:14 pm
views : 309
Location : Domestic place
Islamabad- There are fractions within PML-N, says Sheikh Rasheed
راولپنڈی، حکومت گرانا آسان نہیں ہوتا صرف کہنا آسان ہوتا ہے، شیخ رشید
وفاقی وزیرریلوے شیخ رشید نے کہا ہے کہ عوام کو سہولت اس وقت ملے گی جب ایم ایل ون منصوبے پر کام مکمل ہوجائے گا، ایم ایل ون کے تحت پشاور سے کراچی تک نیا ٹریک بنے گا۔
تفصیلات کے مطابق پریس کانفرنس میں وزیرریلوے کا کہنا تھا کہ ریلوے ٹریک کی حالت بہت خستہ ہے، 150سال سے کسی نے ہاتھ نہیں لگایا، ہم اس کے لیے ہرممکن اقدامات کررہے ہیں، ایم ایل ون کا ٹینڈر اوپن ہونے جارہا ہے۔
انہوں نے سیاسی مخالفین پر تنقید کرتے ہوئے کہا کہ ن لیگ کے اندر لڑائی بڑھتی جارہی ہے۔
شیخ رشید نے پریس کانفرنس میں بتایا کہ ن لیگ میں اختلافات سے ان کےمؤقف پر اثر پڑے گا، ن لیگ میں اختلافات اس ماہ کے آخر تک سامنے آنا شروع ہوجائیں گے، ہم بھی اپوزیشن میں ہوتے تھے تو ان کی طرح ہی باتیں کرتے ہیں۔
ان کا کہنا تھا کہ حکومت گرانا آسان نہیں ہوتا صرف کہنا آسان ہوتا ہے۔
پوچھے گئے ایک سوال پر وزیر نے مزید کہا کہ مولانا صاحب کراچی، لاہور اور اسلام آباد میں جلسے کریں گے، یہ کہنا کہ مولانا صاحب دھرنا دینے جارہےہیں تو ایسا نہیں ہوگا، 30دسمبر سے پہلے دونوں سیاسی جماعتیں اپنے اصل مقام پر پہنچ جائیں گی، ہماری حکومت عوام کے لیے کام کرتی رہے گی۔