Oct 06, 2020 04:20 pm
views : 209
Location : Islamabad high court
Islamabad- India deliberately not appointing lawyer for Kulbhushan Jadhav, IHC told
اسلام آباد، بھارت کو کلبھوشن یادیو کے لئے وکیل مقرر کرنے کی دوسری ڈیڈ لائن بھی ختم
اسلام آباد ہائی کورٹ کی جانب سے
بھارت کو را کے حاضر سروس دہشت گرد کل بھوشن یادیو کیلئے وکیل مقرر کرنے کی
دوسری ڈیڈ لائن بھی ختم ہوگئی ہے، چیف جسٹس اسلام آباد ہائی کورٹ جسٹس
اطہر من اللہ کی سربراہی میں لارجر بینچ آج کلبھوشن یادیو کو وکیل فراہم
کرنے کیلیے وزارت قانون کی درخواست پر سماعت کرے گا۔
سماعت کے دوران
سیکورٹی کے غیر معمولی انتظامات کئے گئے ہیں، غیر متعلقہ افراد کو احاطہ
عدالت میں داخلے کی اجازت نہیں، صرف وکلا، متعلقہ عملہ، سائلین اور میڈیا
کو داخلے کی اجازت دی گئی ہے۔
2 سینیئر وکلا مخدوم علی خان اور عابد حسن
منٹو نے عدالتی معاونت سے معذرت کرلی۔ عابد حسن منٹو نے خراب صحت جب کہ
مخدوم علی خان نے پروفیشنل وجوہات کی بنیاد پر پیش ہونے سے معذرت کرلی۔
عابد
حسن منٹو نے اپنے جواب میں کہا کہ یہ ان کے لئے اعزاز کی بات ہے کہ عدالت
نے معاون مقرر کیا، کچھ سال قبل وکالت سے ریٹائر ہوچکا ہوں، اپنی عمر اور
جسمانی کمزوری کی وجہ سے عدالت میں پیش ہونے سے قاصر ہوں۔ مخدوم علی خان نے
کہا کہ عدالتی معاون کرنا میرے لیے باعث فخر ہے تاہم پروفیشنل وجوہات کی
بنیاد پر عدالتی معاونت نہیں کرسکتا۔