Oct 06, 2020 06:09 pm
views : 247
Location : Domestic place
Islamabad- PM pressurized ex-DG FIA to file cases against Sharif family, Marriyum Aurangzeb
وزیراعظم نے سابق ڈی جی ایف آئی اے پر شریف فیملی کیخلاف کیسز بنانے کیلئے دباؤ ڈالا، مریم اورنگزیب
ترجمان مسلم لیگ نون مریم اورنگزیب نے عمران خان کو وزیراعظم ہاؤس سے سامان باندھنے کا مشورہ دے دیا۔ انہوں نے کہا عزیر میمن نے بہت سے انکشافات کیے جو ان کے انٹرویو کا حصہ ہیں، وزیراعظم نے بشیر میمن سے کہا خواجہ آصف کیخلاف آرٹیکل 6 کا مقدمہ بنائیں، بشیر میمن نے دہشتگردی کا مقدمہ بنانے سے انکار کر دیا، عزیر میمن نے کہا انکار کے بعد نیب کے ذریعے سب کچھ کرایا جا رہا ہے، بشیر میمن نے کہا آج جو ہو رہا ہے وہ مجھے کرنے کو کہا گیا تھا۔
مریم اورنگزیب کا کہنا تھا غداری کا مقدمہ تو وزیراعظم کے خلاف درج ہونا چاہیئے، موجودہ وزیراعظم فاشسٹ ہیں، کہتے ہیں وزیراعظم آزاد کشمیر کا نام انہوں نے درج نہیں کرایا، کیس میں کارکن کا نام ڈال کر کہتے ہیں ہمیں پتہ نہیں، نیب نیازی گٹھ جوڑ میں ڈی جی نیب کو استعمال کیا گیا، ترجمانوں سے کہا جاتا ہے سیاسی مخالفین پر کرپشن کا بیانیہ بناؤ، جب کوئی الزام ثابت نہیں ہوسکا تو غداری کے مقدمے بنانا شروع کر دیئے، ترجمانوں سے کہا جاتا ہے نواز شریف پر بھارتی ایجنٹ ہونے کا بیانیہ بناؤ۔