Oct 14, 2020 12:55 pm
views : 249
Location : Domestic Place
Karachi- PPP announces to challenge formation of Tiger Force in court
کراچی، پیپلز پارٹی کا ٹائیگر فورس کا قیام عدالت میں چیلنج کرنے کا اعلان
کراچی پریس کلب میں پریس کانفرنس سے خطاب کرتے ہوئے پاکستان پیپلز پارٹی کی ڈپٹی سیکریٹری اطلاعات پلوشہ خان نے کہا کہ غداری کے میڈل بانٹنے والوں کو بدین اور عمرکوٹ کے لوگوں کی تکلیف نظرنہیں آتی ہے،گوجرانوالہ میں ہمارے دفاترپرتالے لگادیے گئے ہیں،حکومت جو مرضی کرے سولہ اکتوبراوراٹھارہ اکتوبرکوعوام کا سمندر ہو گا ہم گرفتاریوں سے ڈرنے والے نہیں ہیں حکومتی جبرکا مقابلہ کریں گے۔
پلوشہ خان نے کہا کہ ٹائیگر فورس کو کس قانون کے تحت گھروں اور دفتروں میں گھسنے کی اجازت دی گئی ہے؟، دریں اثنا سابق وزیر اعلیٰ سندھ و سابق صوبائی صدر پیپلز پارٹی سندھ سید قائم علی شاہ اور صوبائی وزیر تعلیم و محنت سندھ سعید غنی نے کہا ہے کہ 18 اکتوبر کو پیپلزپارٹی کے کارکن اپنی مثبت سیاست کے ذریعے منفی و نفرت انگیز سیاست کرنے والوں کی منفی سیاست کو دفن کردیں گے۔
علاوہ ازیں سندھ اسمبلی کمیٹی روم میں پریس کانفرنس سے خطاب کرتے ہوئے سندھ حکومت کے ترجمان مشیر قانون ، ماحولیات و ساحلی ترقی بیرسٹر مرتضی وہاب نے کہا ہے کہ افسوس کہ ملک میں نااہل حکمرانوں کی وجہ سے عوام تاریخی مہنگائی کا سامنا کررہے ہیں جبکہ وزیراعظم عمران خان چین کی بانسری بجاتے ہوئے خود کو جمہوریت قرار دے رہے ہیں رواں ماہ اٹھارہ اکتوبر کو پی ڈی ایم کے تحت کراچی میں تاریخ ساز جلسہ ہوگا۔