Oct 16, 2020 03:19 pm
views : 275
Location : Domestic Place
Islamabad- there is no doubt inflation in the country, you will see improvement in next four weeks, Shibli Faraz
اسلام آباد، پنجاب حکومت جلسےکےشرکاء کورومال بھی دے تاکہ یہ اپنا منہ چھپا سکیں، شبلی فراز
سینٹ اجلاس سے خطاب کرتے ہوئے وزیراطلاعات سینٹر شبلی فراز نے کہا کہ عمران خان کیخلاف آ ج 9سیاسی جماعتیں اکٹھی ہوئی ہیں،سارے کرپٹ عمران خان کے خلاف جمع ہو گئے مگریہ عمران خان کی ثابت قدمی کومتزلذل نہیں کرسکتے۔یہ ملک وہی ہےجہاں ان لوگوں کی حکومتیں رہیں، اس کے باوجود آج گلہ کر رہے ہیں مہنگائی ہے، یہ سب ان کی ہی ناقص پالیسیوں کا نتیجہ ہے۔ کوئی شک نہیں ملک میں مہنگائی ہے، اگلے 4 ہفتوں میں آپ بہتری دیکھیں گے۔
شبلی فراز نے کہا کہ انہیں چیلنج کیا تھا جناح اسٹیڈیم بھر کر دکھائیں، انہوں نے پہلے ہی شکست تسلیم کر لی اور آدھے اسٹیڈیم کو اسٹیج بنا دیا، یہ وہ لوگ ہیں جومنہ دکھانے کےقابل نہیں۔ انہوں نے 40 سال حکومت کی آج بھی کرپشن کا دور واپس لانا چاہتے ہیں۔ عمران خان نےدونوں جماعتوں کی پارٹنر شپ ختم کی تو انہیں ووٹ کی عزت اور جمہوریت کا خیال آ گیا۔ وزیراطلاعات نے کہا کہ حکومت نے جلسے کے شرکا کو ماسک اور سینیٹائزر فراہم کیے ہیں۔