Oct 26, 2020 05:23 pm
views : 210
Location : Domestic Place
Islamabad- India could use Afghan land to destabilize Pakistan: PM Imran
اسلام آباد، بیرونی دباؤ سے افغانستان کے عوام پر رائے مسلط نہیں ہوسکتی، وزیر اعظم
وزیراعظم عمران خان نے پاک افغان تجارت وسرمایہ کاری فورم 2020 سے متعلق تقریب سے خطاب کرتے ہوئے کہا پاک افغان تعلقات کی ایک تاریخ ہے، افغانستان سے لوگ تجارت کیلئے کلکتہ جاتے تھے، اس خطے کے افغانستان سے روابط صدیوں سے ہیں، افغانستان کو ہر دور میں خطے میں اہمیت حاصل رہی ہے، عوامی روابط سے باہمی تعلقات کو فروغ ملتا ہے۔
عمران خان کا کہنا تھا بدقسمتی سے 40 سال سے افغانستان میں انتشار ہے، افغانستان میں انتشار کے باعث سب سے زیادہ نقصان پاکستان کو ہوا، انسان ماضی سے سیکھتا ہے، رہتا نہیں، ہمیں ماضی سے سبق سیکھنا چاہیئے، بیرونی دباؤ سے افغانستان کے عوام پر رائے مسلط نہیں ہوسکتی، افغانستان میں کبھی بیرونی مداخلت کامیاب نہیں ہوئی، افغانستان کے لوگوں کو اپنے فیصلے خود کرنے ہوں گے، پاکستان افغانستان میں جو بھی حکومت ہوگی اس سے تعلقات مضبوط رکھے گا۔
وزیراعظم نے کہا 72 سال میں بھارت میں مسلمانوں سے نفرت کرنیوالی ایسی حکومت نہیں آئی، خدشہ ہے بھارت پاکستان میں انتشار کیلئے افغان سر زمین استعمال کرے گا، بھارت سے دوستی کرنے کی کوشش کی لیکن ناکام رہے، بھارت نظریاتی طور پر ہمارے خلاف ہے۔