اسلام آباد، ایان علی کے خلاف انکوائری کی درخواست مسترد
اسلام آباد ہائی کورٹ کے جسٹس غلام اعظم قمبرانی نے محفوظ کیا گیا فیصلہ سنا دیا۔
اسلام آباد ہائی کورٹ نے ماڈل ایان علی کے خلاف انسدادِ منی لانڈرنگ ایکٹ کےتحت کرنسی اسمگلنگ کیس میں انکوائری کی درخواست مسترد کر دی۔
عدالتِ عالیہ نے کسٹم حکام کی کسٹم کی خصوصی عدالت کے خلاف اپیل مسترد کر تے ہوئے کسٹم کی خصوصی عدالت کا فیصلہ برقرار رکھا۔
کسٹم حکام نے مقدمے میں منی لانڈرنگ کی دفعات شامل کرنے کی استدعا کی تھی۔
کسٹمز کی خصوصی عدالت کے 31 مارچ 2016ء کے فیصلے کے خلاف اپیل عدالت میں زیرِ التواء تھی۔
واضح رہے کہ ماڈل ایان علی پر 5 لاکھ ڈالر کی رقم کی اسمگلنگ کا الزام ہے۔