Nov 22, 2020 03:01 pm
views : 206
Location : Different Places
Islamabad- Pakistan reports 2,665 coronavirus cases in one day
ملک میں گزشتہ 24 گھنٹوں کے دوران کرونا وائرس انفیکشن کی وجہ سے مزید 59 افراد جاں بحق
ملک میں گزشتہ 24 گھنٹوں کے دوران کرونا وائرس انفیکشن کی وجہ سے مزید 59 افراد جاں بحق ہو گئے۔
نیشنل
کمانڈ اینڈ آپریشن سینٹر کے مطابق ملک میں 24 گھنٹوں کے دوران مزید 2 ہزار
665 کرونا کیسز رپورٹ ہوئے، جس سے ملک میں کرونا کے مصدقہ کیسز کی تعداد 3
لاکھ 74 ہزار 173 ہو گئی ہے۔
ملک میں 24 گھنٹوں کے دوران کرونا وائرس
سے مزید انسٹھ افراد کے انتقال کے بعد پاکستان میں کرونا سے انتقال کرنے
والوں کی تعداد 7 ہزار 662 ہو گئی ہے، جب کہ 1 ہزار 653 مریضوں کی حالت
تشویش ناک ہے۔
این سی او سی کا کہنا ہے کہ اس وقت پاکستان میں کرونا کے
فعال کیسز کی تعداد 36 ہزار 683 ہے، گزشتہ 24 گھنٹوں کے دوران 897 کرونا
مریض صحت یاب ہوئے جس کے بعد ملک میں کرونا سے صحت یاب افراد کی تعداد 3
لاکھ 29 ہزار 828 ہوگئی۔
کرونا کی تشخیص کے لیے ملک میں 24 گھنٹوں کے
دوران 38 ہزار 983 ٹیسٹ کیےگئے، مجموعی طور پر اب تک پاکستان میں 51 لاکھ
80 ہزار 26 کرونا ٹیسٹ کیے جا چکے ہیں، ملک میں 24گھنٹے میں کرونا ٹیسٹ
مثبت آنے کی شرح 6.8 فی صد رہی۔
خیال رہے کہ نہایت مہلک اور نئے کرونا
وائرس کو وِڈ 19 کی پہلی لہر کو پاکستان میں بہترین حکمت عملی سے قابو کیا
گیا تھا، اب دوسری لہر شروع ہو چکی ہے، جس میں وبا ایک بار پھر بے قابو
ہونے لگی ہے، اور روزانہ کیسز میں تیزی سے اضافہ ہو رہا ہے۔