Nov 30, 2020 03:28 pm
views : 205
Location : Domestic Place
Karachi- Selected govt is incarnation of dictatorship, Bilawal Bhutto
کراچی، پیپلز پارٹی نے پانچ دہائیوں سے آمروں کے خلاف جنگ لڑی، بلاول بھٹو
چیئرمین بلاول بھٹو زرداری نے پاکستان پیپلز پارٹی کے 53 ویں یوم تاسیس پر اپنے پیغام میں کہا کہ پارٹی قیادت خواہ کارکنان نے آمروں اور ان کی باقیات کے مظالم کا مقابلہ کیا، قیادت و کارکنان نے ہتھکنڈوں، تشدد، قید و بند اور شہادتوں کا جرات سے سامنا کیا، پیپلز پارٹی ملک میں جمہوریت کے لئے جدوجہد کی معمار ہے۔
چیئرمین پیپلز پارٹی بلاول بھٹو زرداری نے اس عزم کا اظہار کیا کہ بطور جانشین ذوالفقار بھٹو، بینظیر بھٹو کے مشن کو آگے بڑھاؤں گا۔
بلاول بھٹو زرداری کا کہنا تھا پیپلز پارٹی جمہوریت، انسانی حقوق اور مساوات کی بھی علمبردار ہے، پی پی پی عوام کی مرضی کے آئین و پارلیمان کی بالادستی کے لئے کردار ادا کر رہی ہے، شہید بھٹو اور شہید محترمہ بینظیر بھٹو کے مشن کو آگے بڑھانے کا ذمہ دار ہوں۔