Dec 02, 2020 12:19 pm
views : 252
Location : Domestic Place
Lahore- we are fighting for the rights of the people, Saad Rafiq
لاہور، پی ڈی ایم کا لاہور میں جلسہ طے کردہ تاریخ پر ہی ہوگا، سعد رفیق
احتساب عدالت کے باہر میڈیا سے گفتگو کرتے ہوئے خواجہ سعد رفیق نے کہا کہ پی ڈی ایم کے لاہور کے جلسے کیلئے ہم حکومت کی طرف نہیں دیکھ رہے۔
سعد رفیق کاکہنا تھا کہ ہم عوام کے حقوق کی خاطر لڑ رہے ہیں، ہماری بھرپور کوشش ہوگی کہ شرکاء ماسک پہن کر جلسے میں آئیں۔
دوسری جانب وزیراعلیٰ پنجاب کی معاون خصوصی برائے اطلاعات فردوس عاشق اعوان نے کہا ہے کہ جلسے کی اجازت کیلئے درخواست نہیں آئی ہے، جب درخواست آئے گی اس کے بعد حکومت حکمت عملی سامنے لائے گی، تاہم یہ بات طے ہے کہ عوام کی جان سے کھیلنے کی اجازت نہیں دی جائے گی۔
ڈاکٹر فردوس عاشق اعوان کاکہنا تھا کہ ایس او پیز کا عمل درآمد یقینی بنایا جائے گا، عدالتی احکامات یقینی بنانے کیلئے اپوزیشن سے پہلے ڈائیلاگ کریں گے۔
انہوں نے سوال کا جواب دیتے ہوئے کہا کہ ڈائیلاگ کس سے کریں گے، ابھی جلسہ منتظمین سامنے نہیں آئے ہیں۔