Dec 09, 2020 12:44 pm
views : 242
Location : Domestic Place
Islamabad- Rains across the country made it cold whether
اسلام آباد، ملک کے بیشتر علاقوں میں بارشوں کے باعث سردی کی شدت میں اضافہ ہوگیا
محکمہ موسمیات کے مطابق ملک بھر کے بیشتر اضلاع میں بارشوں کے باعث ایک بار پھر سردی کی شدت میں اضافہ ہوگیا ہے، جب کہ ملک کے بیشتر بالائی علاقوں میں مطلع ابر آلود رہنے کے علاوہ کشمیر، گلگت بلتستان بالائی پنجاب اور بالائی خیبرپختون خوا میں بارش اور پہاڑوں پر برفباری کا امکان ہے۔
محکمہ موسمیات کا کہنا ہے کہ پنجاب کے بعض علاقوں اور سندھ میں صبح کے اوقات میں دھند چھائی رہی، کراچی میں صبح کے اوقات میں دُھند رہی اور حدِ نگاہ ایک کلو میٹر تک رہ گئی، ملتان، بہاولپور، بہاولنگر اور ڈی جی خان میں صبح کے وقت دھند رہی اور آج رات بھی دھند چھائے رہنے کا امکان ہے، جب کہ دھند کے باعث راولپنڈی موٹروے ہر قسم کی ٹریفک کے لیے بند کر دیا گیا ہے۔
محکمہ موسمیات کے مطابق سندھ میں بیشتر علاقوں میں موسم خشک اور سرد رہے گا، بالائی پنجاب میں مطلع ابر آلود رہنے کے علاوہ خطہ پوٹھاہار، میانوالی، سرگودھا، فیصل آباد، لاہور، گوجرانوالہ، سیالکوٹ، نارروال، اور جھنگ میں بارش کی توقع ہے۔