Feb 08, 2021 09:12 pm
views : 229
Location : Domestic Place
Chitral- Efforts continuing for safe recovery of Ali Sadpara and other Claimers
چترال، کے ٹو پر فضائی سرچ آپریش کا تیسرا روز، لاپتا کوہ پیماؤں کا سراغ نہ مل سکا، کوہ پیماؤں کو ڈھونڈنے کی بھرپور کوششیں جاری ہیں
دنیا کی سب سے خطرناک چوٹی کے ٹو پر فضائی سرچ آپریش تیسرے روز بھی جاری رہا لیکن علی سدپارہ اور دیگر لاپتا کوہ پیماؤں کا سراغ نہیں مل سکا۔
ریسکیو ذرائع کے مطابق آج بھی ہیلی کاپٹرز نے 7000 میٹر سے بلندی پر سرچ آپریشن کیا۔ موسم موافق ہوا تو جہاز کے ذریعے انتہائی بلندی پر سرچ آپریشن زیرِ غور ہے۔ تاہم موسمی حالات کے باعث زمینی راستے سے ریسکیو معطل ہے۔
خیال رہے کہ گزشتہ روز ہیلی کاپٹرز نے 7800 میٹر بلندی تک پرواز کی تھی۔ ریسکیو ٹیم نے پاکستانی کوہ پیما محمد علی سدپارہ اور ٹیم کو ڈھوںڈنے کی بھرپور کوشش کی لیکن ناکام رہی۔
فضائی سرچ آپریشن میں نامور نیپالی شرپا چنگ دوا اور ساجد سدپارہ نے حصہ لیا۔ سرچ آپریشن کے بعد ساجد سدپارہ کو ہیلی کاپٹر کے ذریعے سکردو پہنچا دیا گیا تھا۔
خیال رہے کہ لاپتا پاکستانی کوہ پیما علی سدپارہ اور دو غیر ملکی کوہ پیما سردیوں میں بغیر آکسیجن کے ٹو کو سر کرنے کی کوشش کر رہے تھے۔ محمد علی سد پارہ نے 2016ء میں سردیوں کی مہم جوئی کے دوران پہلی بار نانگا پربت کو سر کیا تھا۔
انہیں یہ اعزاز بھی حاصل ہے کہ انھوں نے آٹھ ہزار میٹر کی آٹھ چوٹیاں فتح کرنے کے علاوہ ایک سال کے دوران آٹھ ہزار میٹر کی چار چوٹیاں سر کی ہیں۔
کے ٹو کو سردیوں میں فتح کرنے کی مہم، نامور پاکستانی کوہ پیما محمد علی سدپارہ، آئس لینڈ کے جان سنوری اور چلی کے جان پابلو انتہائی بلندی پر پہنچنے کےبعد واپس نہیں پہنچ سکے ہیں۔