Mar 22, 2021 04:32 pm
views : 213
Location : Domestic Place
Lahore- a proposal for a complete ban on marriage and sports for two weeks is under consideration in Punjab, says Firdous Aashiaq Awan
لاہور، پنجاب میں دو ہفتوں کیلئے شادی، کھیلوں پر مکمل پابندی کی تجویز زیر غور ہے، فردوس عاشق اعوان
وزیر اعلیٰ پنجاب عثمان بزدار کی معاون خصوصی فردوس عاشق اعوان کا کہنا ہے کہ صوبے میں دو ہفتوں کیلئے شادی اور کھیلوں پر مکمل پابندی کی تجویز زیر غور ہے، لوگوں کی زندگی سے زیادہ تقریبات اہم نہیں ہیں۔
ذرائع ابلاغ عامہ کے نمائندوں سے گفتگو کرتے ہوئے وزیر اعلیٰ پنجاب کی معاون خصوصی فردوس عاشق اعوان نے کہا کہ کورونا وائرس پر کوئی حکومت اکیلے قابو نہیں پاسکتی ہے۔
فردوس عاشق اعوان نے کہا کہ کورونا وائرس سے پنجاب میں 24 گھنٹوں میں 20 اموات ہوئی ہیں جس کے بعد دو ہفتے کیلئے شادی تقریبات اور کھیلوں پر مکمل پابندی کی تجویز زیر غور ہے۔
معاون خصوصی نے کہا کہ ایسی سرگرمیوں کومحدود کریں گےجن کے بغیر معیشت کا پہیہ چل سکتا ہے۔
ان کا کہنا تھا کہ میں کورونا وائرس میں مبتلا ہوچکی ہوں، اس تکلیف کو سمجھتی ہوں۔