دوشنبے، داعش اور القاعدہ افغان امن کیلئے خطرہ ہیں، وزیر خارجہ شاہ محمود قریشی کہتے ہیں پرامن اور مستحکم افغانستان پاکستان کے مفاد میں ہے
وزیر خارجہ شاہ محمود قریشی نے کہا ہے کہ افغان امن عمل کو مختلف چیلنجز کا سامنا ہے، امن عمل متاثر کرنے والوں کے بارے میں آگاہ کرتے رہے ہیں، افغانستان میں تشدد پرتشویش ہے، قیمتی جانوں کا نقصان ہو رہا ہے
تاجک دارالحکومت دو شنبے میں ہارٹ آف ایشیا کانفرنس سے خطاب کرتے ہوئے وزیر خارجہ شاہ محمود قریشی کا کہنا تھا کہ قیام امن کیلئے افغان عوام کے پاس تاریخی موقع ہے۔ہارٹ آف ایشیا کانفرنس اہمیت کی حامل ہے، پاکستان افغانستان میں خوشحالی اور ترقی چاہتا ہے۔ ہمارے لیے افغانستان اہم پڑوسی اور ثقافتی حیثیت رکھتا ہے۔
وزیر خارجہ کا کہنا تھا کہ افغان امن عمل اہم موڑ پر ہے، پاکستان نے افغان امن مذاکرات جاری رکھنے کے لیے کردار ادا کیا۔ داعش اور القاعدہ افغان امن کے لیے خطرہ ہیں۔ پرامن اور مستحکم افغانستان پاکستان کے مفاد میں ہے۔ پاکستان امن عمل سمیت افغانستان کے ساتھ ہر قسم کے تعاون میں آگے ہے۔
انہوں نے مزید کہا کہ پاکستان نے گوادر پورٹ کو افغان ٹرانزٹ ٹریڈ کے لیے آپریشنل بنایا، سی پیک ون بیلٹ اینڈ روڈ فلیگ شپ پراجیکٹ ہے۔