Apr 05, 2021 04:28 pm
views : 289
Location : Domestic Place
Corona vaccination begins a private level in Karachi
کراچی کے نجی ہسپتال میں کورونا ویکسینیشن کا پرائیویٹ سطح پر بھی آغاز کردیا گیا ہے، مذکورہ ویکسینز روس سے برآمد کی گئی ہیں
کراچی کے نجی ہسپتال میں کورونا ویکسینیشن کا پرائیویٹ سطح پر بھی آغاز کردیا گیا ہے، مذکورہ ویکسینز روس سے برآمد کی گئی ہیں۔
نجی ہسپتال میں پرائیویٹ ویکسینیشن کے آغاز کے فورا" بعد شہریوں کا رش امڈ آیا۔ ہسپتال انتظامیہ کی جانب سے عوام کے جم غفیر کو دیکھتے ہوئے کورونا ایس او پیز کی پاسداری کیلئے ایک نمبر متعارف کرادیا ہے جس پر لوگ اپنی رجسٹریشن کراسکیں گے اور ہسپتال انتظامیہ کی طلبی پر وہ ویکسینیشن کرواسکیں گے۔
ویکسین کی قیمت حکومت کی طرف سے بارہ ہزار چھ سو اڑسٹھ روپے مقرر کی گئی ہے۔
اس حوالے سے نجی ہسپتال کی ویکسین فوکل پرسن ڈاکٹر نشوا احمد کا کہنا تھا کہ کورونا ویکسینیشن کا پرائیویٹ آغاز گزشتہ شب ہوا تھا جس کے بعد ایک ہجوم ہسپتال کی طرف امڈ آیا تھا جس سے پتہ چلتا ہے کہ لوگوں میں ویکسین لگوانے کے حوالے سے شعور آگیا ہے کیونکہ سرکاری ہسپتالوں میں ابھی طے ہورہا ہے کہ کس کو ویکسین لگائی جائے کس کو نہیں تاہم اس حوالے سے لوگوں میں مزید شعور بیدار کرنے کی ضرورت ہے۔
ڈاکٹر کا مزید کہنا تھا کہ ہسپتال انتظامیہ کی جانب سے کورونا ویکسین کے پانچ ہزار ڈوزز برآمد کئے گئے ہیں جس میں سے ابھی تک پندرہ سو ڈوزز لگادیئے گئے ہیں۔
چونتیس سالہ شہری سعد احمد کا کہنا تھا کہ میں ہسپتال کوڈ ویکسین کیلئے آیا ہوا کیونکہ حکومت پچاس برس سے کم کے عمر کے لوگوں کو نہیں لگارہی، میں نے پرائیویٹ سطح پر ویکسین لگوالی ہیں اور میں اب بہت خوش ہوں۔