Apr 15, 2021 04:02 pm
views : 268
Location : Domestic Place
Karachi- Pakistan reports 5,395 COVID-19 cases, highest in over 9 months
کراچی، کورونا وائرس کے ہلاکت خیز دن، گزشتہ چوبیس گھنٹوں کے دوران مزید ایک سو اٹھارہ زندگیوں کا خاتمہ ہوگیا جبکہ ایک ہی روز میں پانچ ہزار تین سو پچانوے نئے کیسز سامنے آگئے
نیشنل کمانڈ اینڈ کنٹرول (این سی او سی )کے تازہ اعدادوشمار کے مطابق گزشتہ 24 گھنٹے کے دوران 118 اموات ہوئیں۔ جاں بحق افراد کی تعداد 15 ہزار 872 ہوگئی۔گزشتہ 24 گھنٹے کے دوران 5 ہزار 395 افراد میں کورونا کی تصدیق ہوئی۔ متاثرہ افراد کی تعداد 7 لاکھ 39 ہزار 818 تک جا پہنچی۔ ایکٹو کیسز کی تعداد 77 ہزار 294 ہو گئی ہے۔
این سی او سی کی جانب سے بتایا گیا ہے کہ 4 ہزار 276 مریضوں کی حالت تشویشناک ہے تاہم 6 لاکھ 46 ہزار 652 مریض صحت یاب بھی ہو چکے ہیں۔ نیشنل کمانڈ اینڈ آپریشن سینٹر کے مطابق سندھ میں 2 لاکھ 70ہزار310، خیبر پختونخوا ایک لاکھ 2ہزار290، پنجاب 2 لاکھ 58 ہزار441 اور اسلام آباد میں 68 ہزار66کیسز موجود ہیں۔ بلوچستان 20 ہزار580، آزاد کشمیر میں 14 ہزار 978 مریض ہیں جبکہ گلگت بلتستان میں مریضوں کی تعداد 5 ہزار 153 ہو گئی ہے۔
این سی او سی کے مطابق گزشتہ 24 گھنٹے کے دوران 64 ہزار 686 جبکہ ملک بھر میں ایک کروڑ 6 لاکھ 88 ہزار 894 کورونا ٹیسٹ کئے جا چکے ہیں۔طبی ماہرین کے مطابق مہلک وائرس سے بچاؤ کا واحد طریقہ احتیاط ہے، ماسک کا استعمال کریں، سماجی تقریبات سے دور رہیں، ہاتھ بار بار دھوئیں۔ زندگی سے اپنے اور اپنے پیاروں کیلئے پیار کیجئے۔